PHUNGCHIMTU 4:16 - Lai (Hakha) Common Language Bible 2006

¹⁶ Siangpahrang nih a ukmi hna hi rel cawk lo an si ko lai, sihmanhsehlaw a thih tikah cun a rak tuahmi thil ruangah khan a cung i a lawmmi ahohmanh an um hlei lo. Hihi pakpalawng a si fawn ko, thlitu dawi men cu a si ko.

PHUNGCHIMTU 4:16 ပူးပေါင်းရင်းမြစ်များ

2 SAMUEL 19:9

Israel phun an dihlak chungah khan mi vialte, pakhat le pakhat i alnak a um i, “Siangpahrang nih khan kan ral hna kut chungin a rak kan chuah i, Filistin mi hna kut chungin a rak kan khamh; atu cu Absalom sinin ram chungin a zam cang.

1 SIANGPAHRANG 1:40

Cun mi vialte nih khan an hun zulh i thonglawi kha an tum pah i an i lawm ngaingai, an thawngpang nih vawlei kha a tlerh dih.

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 2:17

Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko.

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

PHUNGCHIMTU 4:15

Vawlei cung i a ummi minung vialte hna kong hi ka ruat i an lak ah hin siangpahrang hmun a co kho dingmi an um ti kha ka hngalh.