PHUNGCHIMTU 4:12 - Lai (Hakha) Common Language Bible 2006

¹² Pakhat lawng a teitu ral kha pahnih nih cun an rak doh khawh lai. Thumthlak hrihrual cu chah a harmi a si.

PHUNGCHIMTU 4:12 ပူးပေါင်းရင်းမြစ်များ

2 SAMUEL 23:16

Khi tikah miṭhawng pathum hna nih khan Filistin mi hna riahhmun chung cun an va lan i Bethlehem tikhor, hauka pawng i a ummi chung khan ti cu an va than i an va lak i David sinah an ratpi. Sihmanhsehlaw a ding duh lo; Bawipa hmaiah khan a bungh i,

2 SAMUEL 23:23

Sawm thum hna lakah khan a min a thang ve, sihmanhsehlaw pathum hna kha cu a khingkhang hna lo. Cun David nih a pum ralveng haotu ah a chiah.

2 SAMUEL 23:9

Cun miṭhawng pathum hna lak i amah a hun changtu cu Ahohi fapa Dodo i fapa Eleazar kha a si. Raldoh awkah aa pummi Filistin mi kha annih nih an zuamkhawn hna i Israel mi nih hnulei ah an i tawn ṭhan ṭung tikah khan, amah cu David sinah khan a um.

PHUNGCHIMTU 4:11

Khua a sih tikah pahnih in hmunkhat ah nan ih ahcun nanmah le nanmah kha nan i lumh kho, sihmanhsehlaw nangmah lawng cun zeitindah naa lumh khawh lai?

PHUNGCHIMTU 4:13

Mi pakhatkhat cu sifak te a si nain a ṭhang lengmang i an ram siangpahrang ah a cang, asiloah thonginn in siangpahrang ṭhutdan ah a kai, sihmanhsehlaw cu pa nih cun a tar tikah ruahnak cheuhmi kha a duh lo ahcun, a si a fak nain a fimmi tlangval kha cu pa nakcun a ṭha deuh.

EFESA 4:3

Pum khat sinak, Thlarau nih an pekmi hna kha, ngeih peng awkah an funtu hna daihnak hri khan fek tein i ṭem u.