PHUNGCHIMTU 3:6 - Lai (Hakha) Common Language Bible 2006

⁶ Kawl caan a um, thlau caan a um; chiah caan a um, hlonh caan a um;

PHUNGCHIMTU 3:6 ပူးပေါင်းရင်းမြစ်များ

2 SIANGPAHRANG 5:26

Sihmanhsehlaw amah cu a thawh i, “Nangmah ton awkah mipa nih a rangleng in a ṭum ah khan nangmah sinah khan thlarau in ka kal lo mei? Tangka le puan hna le oliv dum hna le mitsur dum hna le tuu hna le cawtum hna le salpa hna le salnu hna i lak caan a si maw?

2 SIANGPAHRANG 7:15

Cucaah Jordan tiva tiang an dawi hna; cun zohhmanh, Siria mi nih an i hnawhsarenak ah an hlonh tami hnipuan hna le thilri hna kha lampi ah cun a thluangthluan in an ril liangluang ko. Cun lamkal hna cu an kir i siangpahrang kha an chimh.

2 SIANGPAHRANG 8:9

Cucaah Hazael cu amah don awkah khan a kal i laksawng, Damaskas thilri a phun phun, kalauk sawm li phor aa phorh. Cun a phak i a hmai i a dir tikah khan, “Na fapa Benhadad, Siria siangpahrang nih keimah cu nangmah sinah a ka thlah i, ‘Hi zawtnak hin ka dam ṭhan lai maw?’ a ti,” tiah a ti.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

PHUNGCHIMTU 11:1

Na tangka cu chawlehnak ah hmang law ni khatkhat cu a miak na hmuh ko lai.

PHUNGCHIMTU 3:5

Nu le pa si caan a um, si lo caan a um; i pom caan a um, i pom lo caan a um;

PHUNGCHIMTU 3:7

Thleh caan a um, belh caan a um; dai tein um caan a um, chim caan a um;

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

JONAH 1:5

Lawng cawngtu pawl cu an thin a phang i an pathian sin cio ah khan bawmhnak hal awkah an au. Cun lawng kha zaanter deuh awkah thil kha an hlonh hna, sihmanhsehlaw Jonah tu cu tilawng chung a ken khat ah khan a vung kal i a it i aa hngilh ziar ko.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

LAMKALTU 27:19

a kiptuh ah cun an kut in lawng thilri kha an hlonh hna.

LAMKALTU 27:38

An dihlak in khim tein an ei dih hnuah lawng kha zaang deuh seh tiah changvut kha rili ah an thlak.