PHUNGCHIMTU 3:3 - Lai (Hakha) Common Language Bible 2006

³ Thah caan a um, damter caan a um; ṭheh caan a um, sak caan a um;

PHUNGCHIMTU 3:3 ပူးပေါင်းရင်းမြစ်များ

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 6:10

Cun a ka thawh ṭhan i, “Hi mi hna nih an hmuh khawh nakhnga lo le an theih khawh nakhnga lo le an hngalh khawh nakhnga lo, an lung pihter hna, an hna chehter hna law an mit cawtter hna. An hmuh khawh le an theih khawh le an hngalh khawh ahcun keimah lei ah an i mer sual lai i damnak an hmu sual lai,” a ti.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

JEREMIAH 31:28

Annih cu ṭheh awk le phawi awk le chimh awk le hrawh awk le harnak pek awkah ka rak ngiat hna bantuk khan atu cu annih kha tun awk le thawh awkah ka zohkhenh cang hna lai, tiah Bawipa nih a ti.

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

JEREMIAH 45:4

Baruk sinah na chim ding bia cu hihi a si, hi bangin Bawipa nih a ti: Zohhmanh, ka sakmi kha ka ṭheh ṭhan i ka phunmi kha ka phawi ṭhan. Cu bantuk cun vawlei pumpi kha a si lai.

EZEKIEL 13:14

Si rang nan thuhmi inn cu ka chimh lai i vawlei ah ka hrilh lai i a hram kha an lang dih lai. A tlu lai i cu chungah cun nannih zong hrawh nan si chih lai; cuticun Bawipa ka si kha nan hngalh lai.

HAGGAI 1:2

Ralkapbu Bawipa nih Haggai cu, “Hi miphun nih hin, Bawipa inn cu sak ṭhan awk a si rih lo, an ti,” tiah a ti.

HAGGAI 1:4

“Hi inn hi rawk nelnul in a rilh ko lakah hin nannih cu inncung khuh ṭhaṭha a ngeimi inn i um cu a caan a si maw?

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.

1 SAMUEL 2:6

Bawipa nih a thah tawn hna a nun zong a nunter tawn hna. Sheol ah a kalter tawn i a chuah zong a chuahter tawn hna.