PHUNGCHIMTU 3:22 - Lai (Hakha) Common Language Bible 2006

²² Cucaah minung nih a ṭha bik a tuah khawhmi cu a ṭuan man a hmuhmi i nuamhpi hi a si ti kha ka hngalh. Cu pinah a tuah khawhmi dang zeihmanh a um lo. A thih hnuah zeidah a hung um te lai ti a hngalh khawhnak lam zeihmanh a um lo.

PHUNGCHIMTU 3:22 ပူးပေါင်းရင်းမြစ်များ

JOB 14:21

A fapa hna nih upatnak an hun hmu, asinain a hngal lo; Annih cu ṭhumh an rung si, sihmanhsehlaw a hngal hlei lo.

PHUNGCHIMTU 10:14

Mihrut cu dong loin bia a chim. Ahohmanh nih hmailei ah zei thil a um lai ti kha kan hngal lo, cun kan thih tikah zeitindah kan um lai ti kha ahohmanh nih an chim kho fawn lo.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

PHUNGCHIMTU 2:18

Ni toi i rethei ngaiin ka ṭuanmi ka rian vialte le ka hmuhmi thil vialte hi ka caah sullam zeihmanh an ngei lo; ka hnu i a rung um ding hna ca i ka chiahtak ding men an si kha ka hngalh;

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

PHUNGCHIMTU 6:12

Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a ṭha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?

PHUNGCHIMTU 7:14

Ṭhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo.

PHUNGCHIMTU 8:15

Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a ṭuannak ah hin hi ceo cu pei a tuah khawhmi cu a si ko cu.

PHUNGCHIMTU 8:7

Zeidah a hung um lai ti kha kan hngal lo i aho nih an kan chimh lai ti zong kha kan hngal lo.

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

PHUNGCHIMTU 9:6

Dawtnak, huatnak, duhnak an ngeihmi vialte kha anmah sinah cun a thi ve. Hi vawlei cung i a ummi thil ah hin an i tel ve bal ti lai lo.

DANIEL 12:13

Nang cu a donghnak tiangin zumhawktlak tein um ko. Cun na thi lai i chan donghnak caan ah na hmuh awk hnga kha co awkah nang cu na tho te lai,” tiah a ti.

MATTHAI 6:34

Cucaah thaizing nih lungretheihnak cu a za in aa ngeih ve ko lai. Ni khat nih a chuahpimi harnak cung i a dang chonh chih lengmang hi a herh lo.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 28:47

“Zeizong vialte nan ngeih tengtung zong i Bawipa nan Pathian cu lunglawmhnak le thanuamhnak he a rian nan ṭuan lo caah,