PHUNGCHIMTU 3:19 - Lai (Hakha) Common Language Bible 2006

¹⁹ A ngaingai ti ahcun, minung le saram hi kan donghnak aa khat ko. Saram cu minung bantukin a thi i minung zong cu saram bantukin a thi ve ko. An pahnih in nunnak thaw a ngeimi an si. Nunnak hi minung caah siseh, saram caah siseh, sullam a ngeih lo caah minung hi saram nakin zeihmanh a si hlei lo.

PHUNGCHIMTU 3:19 ပူးပေါင်းရင်းမြစ်များ

2 SAMUEL 14:14

Kannih cu kan dihlak in kan thi hrimhrim ko lai, vawlei i thletmi ti ruh ṭhan khawh ti lomi bantuk khi kan si; sihmanhsehlaw hi a zammi fapa hi phung leng chuahmi si lo dingin khua a khangtu cu a nunnak Pathian nih a lakpiak lai lo.

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

SALM 49:12

Mi cu a lianhngannak nih thihnak in a khamh kho lo; saram bantukin a thi ve ko lai.

SALM 49:13

Anmah le anmah aa bochanmi, an rumnak cung i a hna a ngammi hna khi an cungah zeidah a tlung ti kha zoh hmanh u.

SALM 49:20

Mi cu lianhngannak nih thihnak in a khamh kho lo; saram bantukin a thi ve ko lai.

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

PHUNGCHIMTU 1:17

Cun fimnak le hruhnak, thil hngalhthiam khawh lonak le hngalh thiam khawhnak an i dannak hi hngalh kaa zuam hrimhrim lai, ka ti. Sihmanhsehlaw cucu ka caah thlitu dawi tluk ceo kha a rak si ko ti cu ka hngalh ṭhan.

PHUNGCHIMTU 2:14

Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat ṭhiamṭhiam ko lai ti kha ka hngalh ṭhan.

PHUNGCHIMTU 2:16

Ahohmanh nih mifim kha an hngal camcin hna lo, ahohmanh nih mihrut kha an hngal camcin ve hna lo. Hmailei ah cun kan dihlak in philh kan si ko lai. Kan dihlak in kan thi lai — a fim he a hrut he kan thi dih ko lai. 1

PHUNGCHIMTU 7:2

Mithi ṭahnak inn i va kal khi rawl danghnak inn i va kal nakin a ṭha deuh; zeicahtiah thihnak nih a kan hngah cio ko ti hi minung nih kan hngalh zungzal awk a si.

PHUNGCHIMTU 9:12

Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

PHUNGCHIMTU 9:2

Zeihmanh aa dang hlei lo. Miding mi le miṭhalo mi cungah, miṭha mi le michia mi cungah, mithiang mi le mithianglo mi cungah, Pathian a biami hna le a bia lomi hna cungah, a tlungmi thil cu aa khat ṭhiamṭhiam ko. Miṭha kha misual mi nakin zeihmanh ṭhathnemnak an hmu hlei lo, chiat a ser lomi kha a sermi nakin zeihmanh ṭhathnemnak an hmu hlei lo.

NAMBAR 16:29

Mah hna hi mi vialte thih kel cio ah an thih le mi vialte sifah in kel cio an in ve a si ahcun, cu ti a si ahcun Bawipa nih a ka thlah lo a si lai.