PHUNGCHIMTU 3:16 - Lai (Hakha) Common Language Bible 2006

¹⁶ Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh.

PHUNGCHIMTU 3:16 ပူးပေါင်းရင်းမြစ်များ

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

PHUNGCHIMTU 5:7

Mang cu manh len ko, cun na tuahmi rian zong cu pakpalawng si koin na chimmi bia cu tam ko hna hmanh seh law Pathian cu na ṭih ṭhiamṭhiam awk a si.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

PHUNGCHIMTU 8:9

Hi vawlei cung i thil umkalning ka zoh lengmang tikah hin hi vialte hi ka hmuhmi an si: hi vawlei hi mi a cheukhat nih ṭhawnnak an ngeihnak hmun a si i a cheukhat nih an ṭang i hremnak an innak hmun a si kha ka hngalh.

ISAIAH 59:14

Dinnak cu kan ṭhawl i ahmaanmi thil nih a naih in a kan naih kho lo. Zapi i pumhnak hmun ah khan biatak cu zeihmanh ah rel a si lo i biaceihnak hmun ah khan dinnak zeihmanh a um lo.

MIKAH 2:2

Lo kha an mit a thit ahcun an lak ko, inn kha an duh ahcun an tlaih ko; Mi kha an inn le an thilri an chuh ko hna.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

MATTHAI 26:59

Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl,

LAMKALTU 23:3

Amah cu Paul nih a thawh i, “Si rang thuhmi vampang, nangmah cu Pathian nih an bengh lai. Zeitindah keimah cu Phung ningin ka bia ceih awkah khaka ah khan na ṭhut i Phung he aa ralchanh in, hei beng u, na ti fawn ṭung hna?” tiah a ti.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?