PHUNGCHIMTU 3:14 - Lai (Hakha) Common Language Bible 2006

¹⁴ Pathian nih a tuahmi paoh cu zungzal in a hmun ti kha ka hngalh; zeihmanh chap khawh an si lo i zeihmanh zuh khawh zong an si lo; minung nih a hmaiah ṭihnak a ngeih nakhnga Pathian nih cu bantuk cun a tuah.

PHUNGCHIMTU 3:14 ပူးပေါင်းရင်းမြစ်များ

2 SAMUEL 22:31

Hi Pathian hi amah a lam cu ṭhat a tling; Bawipa biakamnak cu a dik taktakmi a si; Amah chung i aa dormi vialte caah amah cu phaw a si.

SALM 33:11

Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

SALM 64:9

An dihlak in an thin a phang lai; Pathian nih a tuahmi kha an chim lai i a tuahmi kong cu an ruat hna lai.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

PHUNGTHLÛKBIA 30:6

A bia zeihmanh chap hlah, an sik sual lai i lihchim na sinak kha a lang sual lai.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

PHUNGCHIMTU 5:6

Nangmah bia lila kha sualnak chung i an luhpitu siter hlah, Pathian tlangbawi cu, khakha ka ti duhmi a si lo, tiah chimh awk herh in um hlah, zeicah Pathian cu na cungah a thin na hunter lai? Zeicahdah na rak tuahmi cu na hrawhter lai?

PHUNGCHIMTU 5:7

Mang cu manh len ko, cun na tuahmi rian zong cu pakpalawng si koin na chimmi bia cu tam ko hna hmanh seh law Pathian cu na ṭih ṭhiamṭhiam awk a si.

PHUNGCHIMTU 7:18

Mah hihi naa tlaih ahcun a ṭha, cun mah cucu thlah ti hlah; Pathian a ṭihmi na si ahcun thlua na chuak kho lai.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

DANIEL 8:8

Cun mehehtum cu aa porhlaw chin lengmang i a ṭhawn salingte ah cun a ki ngan cu a kiak buk ko. Cun a hmun ah cun ki pali an hung chuak i kaa dang lei cio kha an sawh.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

LAMKALTU 5:39

sihmanhsehlaw Pathian sinin a rami a si ahcun, nan tei kho hlei lai lo. Pathian dotu lehlam ah nan cang sual lai,” tiah a ti hna. Khawngsil pawl nih cun Gamaliel ruah-nak cheuhmi kha an zulh.

ROM 11:36

Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.

EFESA 3:11

Pathian nih a tuahmi hi, zungzal a rak i tinhmi ning khan a si i cucu kan Bawipa Jesuh Khrih thawngin a tlinter.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.