PHUNGCHIMTU 3:1 - Lai (Hakha) Common Language Bible 2006

¹ Zeizong vialte caah hin caan a um cio i vanrang tang i a ummi thil vialte nih hin caan an ngei dih:

PHUNGCHIMTU 3:1 ပူးပေါင်းရင်းမြစ်များ

2 SIANGPAHRANG 5:26

Sihmanhsehlaw amah cu a thawh i, “Nangmah ton awkah mipa nih a rangleng in a ṭum ah khan nangmah sinah khan thlarau in ka kal lo mei? Tangka le puan hna le oliv dum hna le mitsur dum hna le tuu hna le cawtum hna le salpa hna le salnu hna i lak caan a si maw?

2 CHANRELNAK 33:12

Cun harnak a phak tikah Bawipa a Pathian zaangfahnak kha a nawl i a pupa hna Pathian hmaiah khan fak piin a lung aa ṭhum.

PHUNGTHLÛKBIA 15:23

Mipa nih a lehnak kha a lunghmuih ko lai, sihmanhsehlaw a caan he ahmaanmi bia fang khat cu zeitluk in dah a ṭhat deuh!

PHUNGTHLÛKBIA 24:27

Lenglei thil vialte kha ṭha tein tim dih hmasa hna, Cun na lo kha sersiam hna law cu hnuah cun nupi ṭhit le innlo khuasak tintuk cu a si lai.

PHUNGCHIMTU 1:13

Vanrang toiah mi nih an tuahmi thil vialte hi ka hneksak hna lai i a sullam hngalh kaa zuam hna lai. Pathian nih minung kan cungah thil a kan khinhmi hi a nuam lo ngaimi a si ko.

PHUNGCHIMTU 2:17

Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko.

PHUNGCHIMTU 2:3

Ka pum cu zu in ka lawmhter lai i ka lungthin in fimnak cu ka kawl lai ka ti. Cucu minung nih vawlei cung i caan tawite a nun chungah hin a tuah khawhmi thil ṭha bik a si rua lai, tiah ka ruah.

PHUNGCHIMTU 3:17

Ka lung chungin Pathian nih miding le miṭhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti.

PHUNGCHIMTU 7:14

Ṭhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo.

JEREMIAH 46:17

Izipt ram siangpahrang Faro cu, ‘Thawng lawng Lian, Caan Tlolh Ṭung,’ ti min kha pe u.

MATTHAI 16:3

zinglei ah cun, ‘Van kam a sen i khua a dawm, nihin cu ruah a sur lai,’ nan ti. Nikhua zeidah a lawh lai ti kha van nan zohnak in nan hngalh khawh, sihmanhsehlaw atu caan hmelchunhnak hi cu an sullam nan hngal kho hna lo.