PHUNGCHIMTU 2:4 - Lai (Hakha) Common Language Bible 2006

⁴ Rian ngan pipi cu ka lim hna, inn ka sak hna i mitsur dum kaa ser hna;

PHUNGCHIMTU 2:4 ပူးပေါင်းရင်းမြစ်များ

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

2 SAMUEL 18:18

Cun Absalom nih khan a nun lioah Siangpahrang Nelrawn ah khan lungphun pakhat a rak i ser i, “Ka min hngalh camcin a si nakhnga caah fapa ka ngei lo,” a ti i cucaah cu lungphun cu amah min a rak i sak i nihin ni tiang hin mah cucu Absalom Lungphun, tiah ti a si.

1 SIANGPAHRANG 15:19

“Ka pa le na pa karlak i a rak um bangkhan, keimah le nangmah karlak ah ṭanṭinak um seh: zohhmanh, laksawng ah ngun le sui kan kuat; cucaah va kal law Israel siangpahrang Baasha nih hin a ka kirtak nakhnga, amah he nan ṭanṭinak kha chat tuah,” tiah a ti.

1 SIANGPAHRANG 9:1

Solomon nih Bawipa inn le siangpahrang inn le Solomon nih sak a duhmi vialte kha a sak dih tikah,

1 CHANRELNAK 27:27

mitsur dum a zohkhenhtu cu Ramath mi Shimei a si; cun mitsur dum chungin a chuakmi mitsur hang khonnak zohkhenhtu cu Shifmot mi Zabdi a si.

2 CHANRELNAK 26:10

Cun chimram le nelrawn ah khan saṭil run tampi a ngeih caah ramlak ah khan innsang a sak hna i tikhor tampi a cawh hna, cun lothlawh a duh ngaingaimi a si caah tlangram le vawlei ṭhatnak hmun ah khan lothlo le mitsur nengtu kha a chiah hna.

2 CHANRELNAK 8:11

Solomon nih Faro fanu cu David khua khan, amah ca i a sakmi inn ah a hunpi i, “Bawipa biakamnak kuang a phanhnak hmun cu hmunthiang an si caah ka nupi cu Israel mi siangpahrang David inn chungah khan a um hnga lo,” tiah a ti.

SALM 49:11

Thlan cu zungzal in an umnak ding hmun a si ko lai i cuka ah cun a zungzal in an um ko lai. Hmun le ram kha an rak ngei ko lai nain an chaw le an va cu midang sin i an kaltak a hau ṭhiamṭhiam ko lai.

SOLOMON HLA 1:14

Lungkil ka tum kei ka caah cun, En-gedi mitsur dum khomi henna par borh bang.

SOLOMON HLA 7:12

Tuan in tho law mitsur lo ah cun kal u si, Mitsur par hna a no mom le taleti par sarh cang hna maw kan hoi hawl lai, Khika ah khin kei zuun rim cu zaa in chan lang.

ISAIAH 5:1

Ka hawipa le a mitsur dum hla ka phuahmi hna hi ngai tuah u. Vawlei ṭhatnak tlang cungah ka hawipa nih mitsur dum pakhat a ngei.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.