PHUNGCHIMTU 2:3 - Lai (Hakha) Common Language Bible 2006

³ Ka pum cu zu in ka lawmhter lai i ka lungthin in fimnak cu ka kawl lai ka ti. Cucu minung nih vawlei cung i caan tawite a nun chungah hin a tuah khawhmi thil ṭha bik a si rua lai, tiah ka ruah.

PHUNGCHIMTU 2:3 ပူးပေါင်းရင်းမြစ်များ

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

JOB 14:14

Cucaah ka rian cu zeitluk in a sau hmanh ah ka lung a dong lai lo i Ka luatnak ding cu ka rak hngah ṭhiuṭheo ko lai.

SALM 104:15

an lung a lawmhtertu dingah mitsur hang kha an chuahter; an tha an nuamtertu dingah oliv chiti kha an chuahter i thazang a petu dingah rawl an chuahter.

PHUNGTHLÛKBIA 20:1

Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

PHUNGCHIMTU 1:17

Cun fimnak le hruhnak, thil hngalhthiam khawh lonak le hngalh thiam khawhnak an i dannak hi hngalh kaa zuam hrimhrim lai, ka ti. Sihmanhsehlaw cucu ka caah thlitu dawi tluk ceo kha a rak si ko ti cu ka hngalh ṭhan.

PHUNGCHIMTU 10:19

Puai nih an lawmhter khawh, zu nih an nuamhter khawh, Sihmanhsehlaw tangka loin a zei paohpaoh hmanh cu na ngeih khawhmi an si lo.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

PHUNGCHIMTU 6:12

Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a ṭha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?

PHUNGCHIMTU 7:18

Mah hihi naa tlaih ahcun a ṭha, cun mah cucu thlah ti hlah; Pathian a ṭihmi na si ahcun thlua na chuak kho lai.

PHUNGCHIMTU 7:25

Sihmanhsehlaw hngalhnak le cawnnak ah khan ka pum kaa pe; fimnak kha hmuh awkah kaa zuam i ka biahalnak lehnak kha ka kawl; cun hruhnak a ṭhat loning le a hruhning kha hngalh awk kaa zuam.

PHUNGCHIMTU 8:15

Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a ṭuannak ah hin hi ceo cu pei a tuah khawhmi cu a si ko cu.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

BIACEIHTU 9:13

Sihmanhsehlaw mitsur ruang nih cun, ‘Minung le pathian hna an lung a lawmhtertu ka mitsur hang cu kaltak in thingkung hna cung i kui len awkah ka kal hnga maw?’ tiah a ti hna.

1 SAMUEL 25:36

Cun Abigail cu Nabal sin kha a phan; cun zohhmanh, a inn ah khan siangpahrang puai bantuk puai pakhat a rak tuah. Cun Nabal cu a rak i lawm cuahmah ko, zeicahtiah a ri ngaingai ko; cucaah zinglei khuaceu hlanah cun zeihmanh a chim lo.