PHUNGCHIMTU 2:23 - Lai (Hakha) Common Language Bible 2006

²³ Na nun chung paohpaoh ah cun na tuahmi thil paoh nih hin lungfahnak le lung retheihnak dah ti lo cu zeihmanh an pekmi a um lai lo. Zan hmanh ah na ruahnak kha na dinhter kho lo. Mah zong hi pakpalawng a si ko.

PHUNGCHIMTU 2:23 ပူးပေါင်းရင်းမြစ်များ

GENESIS 3:17

Cun Adam cu a thawh i, “Na nupi bia na ngaih i ei hlah kan timi thei kha na ei caah vawlei hi nangmah ruangah chiatserh a si lai. Na ei khim rawl hmuhnak dingah na nun chung fak piin rian na ṭuan a hau lai.

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

ESTHER 6:1

Cu zan cu siangpahrang cu aa hngilh kho lo; cun hngalh camcin awk a tlakmi thil ṭialnak cauk, chanrelnak hna kha rak pu u, tiah nawl a pek hna i siangpahrang hmaiah cun an rel.

JOB 14:1

“Nu hrinmi minung paoh cu a chan a tawi i harnak in a khat.

JOB 5:7

Sihmanhsehlaw meici cu cunglei ah a choi phung a si bantukin, Minung cu harnak hmu dingin hrin a si.

SALM 127:2

Khuasak tintuknak caah fak tuk in rianṭuan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah, an herhmi kha a pek ko hna.

SALM 32:4

Bawipa, chunzan in dan na ka tat i ka thazang cu a dihlak in a zor, ṭhal ni lin nih khua a roter bantuk khin ka thazang cu a ro dih. Selah

SALM 90:15

Harnak kan in lio caan le kum chungah kan cungah na rak tluntermi ngaihchiatnak zat khan atu cu lunglawmhnak kan pe tuah.

PHUNGCHIMTU 1:13

Vanrang toiah mi nih an tuahmi thil vialte hi ka hneksak hna lai i a sullam hngalh kaa zuam hna lai. Pathian nih minung kan cungah thil a kan khinhmi hi a nuam lo ngaimi a si ko.

PHUNGCHIMTU 1:18

Zeicahtiah fimnak cu a tam deuh paoh ah lungretheihnak tam deuh ngeih a si ve ko, Cun thil tam deuh hngalh paoh ah tam deuh temhinnak hmuh a si ve fawn ko.

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 5:12

Rian hrang a ṭuanmi cu ei awk a zaa a ngeih caan a um lai, a ngeih lo caan zong a um lai, sihmanhsehlaw zan tal ah ṭha tein aa hngilh; sihmanhsehlaw mirum cu tampi a ngei ko nain a lungretheihnak nih khan hngilh lo in a umter.

PHUNGCHIMTU 5:17

Muihnak chung le ngaihchiatnak chungah hin lungrethei le thinhung le ngandam loin kan nun a herh ko.

PHUNGCHIMTU 8:16

Fim kha kaa zuam i hi vawlei cung thil umtuning hngalh kha kaa zuam paoh ah hin, chun zan in hngilh loin ka um tawn,

DANIEL 6:18

Siangpahrang cu a inn ah a kal i cu zan cu rawl a ul; nu ahohmanh a sinah ratter a duh hna lo i i hngilh kho loin a um.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.