PHUNGCHIMTU 2:22 - Lai (Hakha) Common Language Bible 2006

²² Rethei le zaangbang in ni toiah na ṭuanmi vialte chung hin zeidah na ngeih?

PHUNGCHIMTU 2:22 ပူးပေါင်းရင်းမြစ်များ

SALM 127:2

Khuasak tintuknak caah fak tuk in rianṭuan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah, an herhmi kha a pek ko hna.

PHUNGTHLÛKBIA 16:26

Rianṭuantu cu a rawl duhnak nih khan fak deuh in a ṭuanter, zeicahtiah a rawlṭamnak kha daihter a duh.

PHUNGCHIMTU 1:3

Minung nih hin nilin lak le khuasa lak i a ṭuanmi rian hin zeidah a miak a hmuh?

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 3:9

Rianṭuantu nih rethei ngaiin a ṭuanmi chung hin zeidah a miak a hmuh?

PHUNGCHIMTU 4:6

A si zong a si men ko lai, sihmanhsehlaw tlawmte lawng hmanh ngeih ko i lung dai tein um hi kut a pahnih hnih in rian ṭuan zungzal ko i thlitu tlaih i zuamnak nakcun a ṭha deuh.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

PHUNGCHIMTU 5:17

Muihnak chung le ngaihchiatnak chungah hin lungrethei le thinhung le ngandam loin kan nun a herh ko.

PHUNGCHIMTU 8:15

Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a ṭuannak ah hin hi ceo cu pei a tuah khawhmi cu a si ko cu.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

MATTHAI 6:11

Ni fate kan herhmi rawl cu nihin zongah hin kan pe tuah.

MATTHAI 6:25

“Cucaah cun nan nunnak ding ca i nan herhmi rawl le ti kong ah le nan pum ca i nan herhmi hnipuan kong ah lungrethei awlokchong in va um hlah u, kan ti hna. A ngaingai ti ahcun, nunnak hi rawl nakin a biapi deuh lo maw? Cun pum zong hi hnipuan nakin a biapi deuh lo maw?

MATTHAI 6:34

Cucaah thaizing nih lungretheihnak cu a za in aa ngeih ve ko lai. Ni khat nih a chuahpimi harnak cung i a dang chonh chih lengmang hi a herh lo.

LUKA 12:22

Cun Jesuh nih a zultu kha a thawh hna i, “Hi caah hin pei nunnak ca i nan herhmi rawl le nan pum ca i nan herhmi hnipuan kong ah nan lungrethei hlah u kan ti hna cu.

LUKA 12:29

Cucaah ei awk le din awk rumro kha ruat in lungrethei in um hlah u.

1 KORIN 16:16

hi bantuk mi hna le anmah he rian a ṭuan ṭimi hna hruainak kha va zul u.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

1TIMOTE 6:8

Cu bantukin hi vawlei in kan kal tik zongah zeihmanh kan i kalpi kho lai lo. Cucaah cun rawl le fenh-aih kan ngeih ahcun cucu kan i zat awk a si ko.

1 PETER 5:7

Amah nih an zohkhenh hna caah nan lungretheihnak vialte kha amah cungah chia dih ko u.