PHUNGCHIMTU 2:19 - Lai (Hakha) Common Language Bible 2006

¹⁹ cun mah pa cu mifim a si lai le mihrut a si lai kha aho nih dah a hngalh? A zei a si hmanh ah rethei ngaiin ka ṭuanmi le ni toiah ka fimnak ka hmanmi thil vialte cungah amah cu bawi a si ko lai. Mah zong hi pakpalawng a si ko.

PHUNGCHIMTU 2:19 ပူးပေါင်းရင်းမြစ်များ

1 SIANGPAHRANG 11:43

Cun Solomon cu a pupa hna sinah a it i a pa David khua ah khan an vui; cun a fapa Rehoboam kha amah hmun ah cun a hung bawi.

1 SIANGPAHRANG 12:13

Cun siangpahrang nih cun, upa nih fim an chimhnak kha hlaw in mi cu hrang piin a rak leh hna,

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 2:20

Cucaah ka rak ṭuanmi rian vialte kha kaa ngaihchih hna.

PHUNGCHIMTU 3:22

Cucaah minung nih a ṭha bik a tuah khawhmi cu a ṭuan man a hmuhmi i nuamhpi hi a si ti kha ka hngalh. Cu pinah a tuah khawhmi dang zeihmanh a um lo. A thih hnuah zeidah a hung um te lai ti a hngalh khawhnak lam zeihmanh a um lo.

PHUNGCHIMTU 9:13

Thil ka hmuhmi a dang a um rih, cucu fimnak hi vawlei cungah hin zeitindah ruah a si, ti tahchunhnak ṭha ngai a si:

LUKA 16:8

Cu thil zohkhenhtu mihrokhrawlpa cu a bawipa nih khan cu bantukin fim ngaiin thil a ti caah a thangṭhat; zeicahtiah hi vawlei cung mi hna hi an thil tining ah ceunak mi hna nakin an fim deuh,” tiah a ti.

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.