PHUNGCHIMTU 2:18 - Lai (Hakha) Common Language Bible 2006

¹⁸ Ni toi i rethei ngaiin ka ṭuanmi ka rian vialte le ka hmuhmi thil vialte hi ka caah sullam zeihmanh an ngei lo; ka hnu i a rung um ding hna ca i ka chiahtak ding men an si kha ka hngalh;

PHUNGCHIMTU 2:18 ပူးပေါင်းရင်းမြစ်များ

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

SALM 49:10

Hihi philh hlah: mifim zong mihrut bantukin an thi ve ko lai i an chaw le an va cu an fale kha an roh ve ko hna lai.

PHUNGCHIMTU 1:13

Vanrang toiah mi nih an tuahmi thil vialte hi ka hneksak hna lai i a sullam hngalh kaa zuam hna lai. Pathian nih minung kan cungah thil a kan khinhmi hi a nuam lo ngaimi a si ko.

PHUNGCHIMTU 1:3

Minung nih hin nilin lak le khuasa lak i a ṭuanmi rian hin zeidah a miak a hmuh?

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 2:21

Na fimnak vialte le na hngalhnak vialte le na thiamnak vialte kha hmang in thil pakhatkhat na tuah i cucu zeihmanh a tuah ṭung lo mipa caah khan na kaltak ko. Cucu pakpalawng a si i ahmaan zong ahmaan lo.

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

PHUNGCHIMTU 3:22

Cucaah minung nih a ṭha bik a tuah khawhmi cu a ṭuan man a hmuhmi i nuamhpi hi a si ti kha ka hngalh. Cu pinah a tuah khawhmi dang zeihmanh a um lo. A thih hnuah zeidah a hung um te lai ti a hngalh khawhnak lam zeihmanh a um lo.

PHUNGCHIMTU 4:3

Sihmanhsehlaw cu hna pahnih nakin a ṭha deuh chinchinmi cu a nun in a nung bal lomi kha an si, hi vawlei cung i a um lengmangmi dinlonak a hmuh in a hmu bal lomi kha an si.

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

PHUNGCHIMTU 9:9

Hi vawlei cungah Pathian nih nunnak an pekmi nunnak santlailo chung i na nun chung vialte hi na dawtmi nu he nuamhnak in hmang ko, pakpalawng a simi ni hna cu an dihlak in nuamhnak ah hmang ko hna, zeicahtiah cu vial cu pei harnak na inmi chungin na hmuhmi cu a si ko lai cu.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

1 KORIN 3:10

Pathian nih pahrang a ka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak. Sihmanhsehlaw zeitindah kan sak ti kha ahohmanh kan i ralrin awk cio a si,