PHUNGCHIMTU 2:11 - Lai (Hakha) Common Language Bible 2006

¹¹ Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 2:11 ပူးပေါင်းရင်းမြစ်များ

GENESIS 1:31

Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

EXODUS 39:43

An tuahmi vialte kha Moses nih ṭha tein a zoh i Bawipa nih a chimhning tein an tuah ti kha a hmuh. Cucaah Moses nih thluachuah a pek hna.

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

PHUNGCHIMTU 1:17

Cun fimnak le hruhnak, thil hngalhthiam khawh lonak le hngalh thiam khawhnak an i dannak hi hngalh kaa zuam hrimhrim lai, ka ti. Sihmanhsehlaw cucu ka caah thlitu dawi tluk ceo kha a rak si ko ti cu ka hngalh ṭhan.

PHUNGCHIMTU 1:3

Minung nih hin nilin lak le khuasa lak i a ṭuanmi rian hin zeidah a miak a hmuh?

PHUNGCHIMTU 3:9

Rianṭuantu nih rethei ngaiin a ṭuanmi chung hin zeidah a miak a hmuh?

PHUNGCHIMTU 5:10

Tangka duhmi na si ahcun, zeitikhmanh ah kaa za cang na ti kho bal lai lo; rum a duhmi na si ahcun, na duhmi vialte kha cu na hmu kho bal lai lo. Pakpalawng a si ko.

PHUNGCHIMTU 5:16

Mah hihi thil ṭhalo ngai a si ko, kan ratning te khan kan kal ṭhan ko. Rian heh tiah kan ṭuan, thlitu tlaih kha kan i zuam, sihmanhsehlaw zeidah kan hmuh?

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.

1TIMOTE 6:6

Biaknak nih hin rumnak a chuahpi taktak, sihmanhsehlaw cu rumnak a ngeimi cu mah tinvo i a lung hna a ngammi kha an si.