PHUNGCHIMTU 12:7 - Lai (Hakha) Common Language Bible 2006

⁷ Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

PHUNGCHIMTU 12:7 ပူးပေါင်းရင်းမြစ်များ

GENESIS 18:27

Abraham nih khan a hun i thawh ṭhan i, “Kei cu leidip le vutcam si ko hmanh ning law, Bawipa, nangmah cu ngamh ngaiin kan chawnh hi ka ngaithiam ko.

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

JOB 20:11

A ruh cu tlangval ṭhawnnak in a khat ko, Sihmanhsehlaw leidip ah a cang zau lai.

JOB 7:21

Zeicahdah ka phungbuarnak cu na ka ngaihthiam ko lo i, Ka ṭhat lonak cu na ka hlonhpiak ko lo? Zeicahtiah atu cu vawlei chungah ka it lai; Na ka kawl lai, sihmanhsehlaw ka rak um ti lai lo,” tiah a ti.

SALM 103:14

Zei in dah ser kan si kha a hngalh i leidip men kan si kha a philh lo.

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

SALM 146:4

An thih tikah leidip ah an kir ko; cu ni ah cun an khuakhannak vialte cu an dong fawn ko.

SALM 31:6

Siasal santlailo a biami cu na huat hna, asinain kei cu nangmah kha kan bochan.

SALM 90:3

Minung cu an rak sining ah khan kir ṭhan u na ti hna, vawlei ah na canter ṭhan hna.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

JEREMIAH 38:16

Cun Siangpahrang Zedekiah nih Jeremiah sinah cun a thli tein chiat a ser i, “Ka nunnak a sertu Bawipa a nun bangin, kan that lai lo i na nunnak hrawh awk a kawlmi hna kut chung zongah kan chan lai lo,” tiah a ti.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

NAMBAR 27:16

“Bawipa, titsa vialte thlarau hna i Pathian nih mibu zohkhenhtu ah mipa pakhat

LUKA 23:46

Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

HEBRU 12:9

Minung kan pale kong hi ruat hmanh u, an kan chimhhrin i kan upat hna, cucaah cun nunnak kan hmuh nakhnga, thlarau lei kan Pa chinchin cu zeitluk in dah a bia kan ngaih chinchin awk a si.