PHUNGCHIMTU 12:5 - Lai (Hakha) Common Language Bible 2006

⁵ Hmun sang kha na ṭih hna lai i chawh kha na caah ṭihnung a si lai. Na sam kha a par lai i nu le pa duhnak na ngeihmi kha a lo lai i zeihmanh nih a umter ṭhan kho ti lai lo. Kannih cu kan umnak ding zungzal kan inn ah khan kan kal lai i khua chung lampi ah ṭahnak a um lai.

PHUNGCHIMTU 12:5 ပူးပေါင်းရင်းမြစ်များ

GENESIS 42:38

Asinain Jakob nih, “Ka fapa nih cun an zul kho hna lo; a u a thi cang, amah lawng a tang. Lampi ah a thi sual hnga. Ka cung i nan tlunter sual ding ngaihchiatnak hi ka ing kho lai lo; ka tar tuk cang, a ka thah sual lai,” a ti.

GENESIS 44:29

Cun atu cu hi pa hi nan i kalpi i a thih sual ahcun kei ka kum caah hin cun cu ngaihchiatnak nih cun thlan khor a ka phakter ko lai,’ a ti.

JOB 15:10

Ṭuakparmi hna le tar hna cu kan sinah an um, Na pa nakin a upa deuhmi an si.

JOB 17:13

Ruahchannak zeihmanh ka ngei ti lo, Sheol hi ka umnak ding inn a si ko, Khika ah ka it lai: mui lakah cun ka it ko lai.

JOB 30:23

Minung a simi paohpaoh ca i na chiahmi hmun, thihnak ah cun na ka kalter lai ti kha ka hngalh.

SALM 71:18

Atu cu a tar i a sam a par cang aipat tiin ka kaltak hlah, maw Pathian. Hmailei chan a ra ding vialte sinah na ṭhawnnak le na lianhngannak ka chimnak dingah hin nangmah nih ka umpi ko.

PHUNGTHLÛKBIA 16:31

Ṭuakpar hi sunparnak bawiluchin a si, nun a dingmi nih an hmuh.

PHUNGTHLÛKBIA 20:29

Tlangval hna an sunparnak cu an thazang hi a si, tar hna an i dawhnak cu an sam par hi a si.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

ISAIAH 46:4

Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai.

JEREMIAH 1:11

Cun Bawipa bia cu ka sinah a ra i, “Jeremiah, zeidah na hmuh?” tiah a ti.

JEREMIAH 9:16

An pupa nih si hna seh, anmah nih si hna seh, an hngalh bal lomi miphun hna sinah ka ṭhek hna lai i ka lim cikcek hna hlantiang vainam kha ka thlahhnawh hna lai, tiah a ti.

LEVITIKAS 19:32

“Sam parmi hmaiah cun na dir lai i tar a simi hmai cu na upat lai, cun na Pathian cu na ṭih lai: keimah cu Bawipa ka si.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.