PHUNGCHIMTU 12:14 - Lai (Hakha) Common Language Bible 2006

¹⁴ Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.

PHUNGCHIMTU 12:14 ပူးပေါင်းရင်းမြစ်များ

JOB 19:29

Sihmanhsehlaw ṭhat lonak vialte a thianhtu vainam, nanmah lei a sawhmi kha ṭih tuah u, Khi tikah nannih nih Dingthlu Lairel a um ko, ti kha nan hngalh lai,” tiah a ti.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

SALM 90:8

Kan sualnak cu na hmaiah na chiah hna, a thli tein kan sualnak cu na hmuh dih ko hna.

SALM 96:13

zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

PHUNGCHIMTU 3:17

Ka lung chungin Pathian nih miding le miṭhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti.

MATTHAI 10:26

“Cucaah mi cu va ṭih hna hlah u. Khuhmi thil paoh kha hun dih an si ko lai i biathli vialte kha hngalh dih an si ko lai.

MATTHAI 12:36

“Hihi kan chimh hna: Nan kaa in a chuakmi bia, ruah setsai loin nan chimmi bia vialte kha, zeicahdah kha ti khan ka rak chim, tiah Biaceih Ni ah cun nan ti a hau te lai.

JOHAN 5:29

cun an thlan khan an chuak lai i ṭhatnak a tuahmi kha an tho lai i an nung lai; ṭhat lonak a tuahmi kha an tho ve lai i sualphawt an si lai,” tiah a ti.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.