PHUNGCHIMTU 12:11 - Lai (Hakha) Common Language Bible 2006

¹¹ Mifim mi hna bia cu tuukhal nih tuu khalhnak caah an hmanmi fung zum bantuk an si, kan dihlak in a kan zohkhenhtu Tuukhal a simi Pathian nih khan annih cu a pek hna.

PHUNGCHIMTU 12:11 ပူးပေါင်းရင်းမြစ်များ

GENESIS 49:24

Sihmanhsehlaw an li cu a kiak dih, an baan tha cu a cat dih. Cu a chattu cu Jakob Pathian Ṭhawng lianhngannak le Israel Lungpi Tuukhal min a si.

EZRA 9:8

Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

SALM 23:1

Bawipa cu tuukhal bantukin a ka vengtu a si, ka herhmi vialte kha a ka pek dih.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

PHUNGTHLÛKBIA 1:6

Phungthluk bia hna le tahchunhnak bia hna le Mifim mi hna an bia le an biahar kha an hngalh khawh hna lai.

PHUNGTHLÛKBIA 10:21

Miṭha bia nih cun mi tampi a cawm hna, sihmanhsehlaw mihrut cu a hruh ruangah a thi tawn.

PHUNGTHLÛKBIA 22:17

Na hna chi law mifim mi bia hi kan cawnpiak lai. Cun na lungthin cu ka fimnak na hmuh nakhnga caah hmang tuah;

PHUNGCHIMTU 10:12

Mifim cu a kaa chungin a chuakmi bia nih upatnak a pek, Sihmanhsehlaw mihrut cu amah bia lila nih a hrawh.

PHUNGCHIMTU 7:5

Mihrut mi nih na thangṭhatnak hlasak in an sak nakin, mifim mi nih an in sik kha a ṭha deuh.

ISAIAH 22:23

Thlam hri hrennak khenhteo bantukin fek tein ka khenh lai i a innchungkhar dihlak caah upatnak hrampi a si lai.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

JEREMIAH 23:29

Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?

EZEKIEL 34:23

Cun annih zohkhenhtu dingah tuukhal pakhat kha an cungah ka chiahpiak hna lai i cucu ka sal David kha a si lai;

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

JOHAN 10:14

Tuukhal ṭha cu keimah hi ka si. Pa nih a ka hngalh i keimah nih Pa ka hngalh ve bantukin, ka tuu kha ka hngalh hna i annih nih an ka hngalh ve. Cun an ca i ka lu hloh kha ka sian.

JOHAN 3:10

Jesuh nih cun a thawh i, “Nang cu Israel mi cawnpiaktu saya ngan na si i hi hmanh na hngal lo maw?

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

2 KORIN 10:4

Raldohnak i kan hmanmi hriamnam cu vawlei cung hriamnam an si lo, ralhruang fekfek a hrawk khotu Pathian hriamnam tu kha an si. A hmaan loin bia i alnak kha kan hrawh,

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.