PHUNGCHIMTU 12:1 - Lai (Hakha) Common Language Bible 2006

¹ Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

PHUNGCHIMTU 12:1 ပူးပေါင်းရင်းမြစ်များ

GENESIS 39:2

Bawipa nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

GENESIS 39:23

Bawipa nih khan Josef cu a umpi i a tuahmi paoh kha a tlam a tlinter caah Josef zohkhenhmi thil a simi paoh kha cu thong bawi nih zeihmanh a zoh a herh lo.

2 SAMUEL 19:35

Keimah cu nihin ah hin kum sawm riat ka si; zei hi dah a nuam i zei hi dah a nuam lo ti kha ka thleidan khawh ti maw? Na sal nih hin ka eimi siseh, ka dinmi siseh, a thawtnam hmanh ka theih khawh ti maw? Hlasami pa hna le hlasami nu hna an aw hoi hna kha ka ngaih khawh ti maw? Cu a si caah cun zeicahdah na sal cu siangpahrang ka bawipa caah aa chapmi thilrit ka si lai?

2 SAMUEL 19:36

Na sal nih hin siangpahrang cu Jordan tiva ral ah khin tlawm tein ka hei in kalpi rih lai. Zeicahdah siangpahrang nih cu bantuk laksawng cun a ka lehrulh hnga?

1 SIANGPAHRANG 14:13

Cun Israel mi vialte nih an ṭah lai i an vui lai; zeitintiah Jeroboam chungkhat hna lakah amah lawnglawng hi thlan ah vui a si lai; zeicahtiah Jeroboam chungkhar chungah hin amah ah hin cun Bawipa, Israel Pathian i a ṭha a timi thil zeimaw a um.

1 SIANGPAHRANG 18:12

Nangmah sinin ka kal cangka, Bawipa thlarau nih ka hngalh lomi hmun ah an kalpi lai i cucaah ka rat i Ahab kha ka chimh i an hmuh khawh lo tikah, a ka thah lai, keimah na salpa nih hin ka tlanval lio in Bawipa cu ka upat ko dahkaw.

NEHEMIAH 4:14

Cun thil umtuning kha ka hei zoh i, tuavon hna le bawi hna le mi zapi a dang dang hna kha, “Annih cu ṭih hna hlah u. A lian a ngan i ṭih a nungmi Bawipa kha hngal camcin tuah u, cun nan unau hna le nan fapa hna le nan fanu hna le nan nupi hna le nan inn hna caah khan do hna u,” tiah ka ti hna.

JOB 30:2

Annih cu an tha a ṭum cang caah a ṭhawngmi an baan cu ka caah zeidah an ṭhathnem?

SALM 119:55

Bawipa, zan ah nangmah kha kan ruat i, na phunglam kha ka zul.

SALM 34:11

Ka hawile mino hna, ra u law, ka bia ngai tuah u; Bawipa ṭihzah ning cu kan cawnpiak hna lai.

SALM 63:6

Ihkhun cung i ka ih tikah nangmah cu kan thei, zan khuadei nangmah kha kan ruat,

SALM 90:10

Kan chan cu kum sawm sarih a si ko, kan thazang a ṭhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.

PHUNGTHLÛKBIA 22:6

A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.

PHUNGTHLÛKBIA 8:17

A ka dawmi cu ka dawt hna i fel tein a ka kawlmi nih cun an ka hmuh.

PHUNGCHIMTU 11:10

Zeihmanh nan lungre i theihter hlah u, zeihmanh fahnak i pekter hlah u. Saupi na no ti lai lo.

PHUNGCHIMTU 11:2

Na tangka rianṭuannak cu hmun tampi ah chia hna, Zeitintiah vawlei cungah hin zei ṭhat lonak dah a tlung lai, na hngal lo.

PHUNGCHIMTU 11:8

Na nun chungte hi cu na nun rihmi kum paoh caah khan i lawm ko, Zeicahtiah zei can na nun hmanh ah na nun chung nakin na thih hnu cu a sau deuh ṭheo lai ti kha hngal ko. Hmailei thil zeihmanh i ngaih awk a um lo.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

ṬAHNAK HLA 3:27

Cu lungsau cu kan no lio i kan hngalh ah a ṭha bik.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

HOSEA 7:9

Ramdangmi kha an i bochan hna caah anmah thazang kha a ṭum, sihmanhsehlaw cucu an hngal lo; An sam a par dih cang hmanh kha an hngal lo.

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

LUKA 18:16

Sihmanhsehlaw Jesuh nih ngakchia cu a auh hna i, “Ngakchia kha ka sinah ratter ko hna u. Annih kha dawn hna hlah u, zeicahtiah Pathian Pennak cu hi bantuk mi hna ta hi pei a si cu.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

1 SAMUEL 1:28

Cucaah Bawipa kha amah cu ka hlanh cang; a nun chung vialte amah cu Bawipa sinah hlanh a si,” tiah a ti. Cun khika ah Bawipa kha an biak.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

1 SAMUEL 2:18

Asinain Samuel cu ngakchia si hmanh seh law Bawipa hmaiah la hmang ṭhia tlangbawi angki i aih in rian a ṭuan.

1 SAMUEL 2:26

Cun ngakchiapate Samuel cu pum in siseh, Bawipa le minung duhning in siseh a ṭhang lengmang.