PHUNGCHIMTU 11:10 - Lai (Hakha) Common Language Bible 2006

¹⁰ Zeihmanh nan lungre i theihter hlah u, zeihmanh fahnak i pekter hlah u. Saupi na no ti lai lo.

PHUNGCHIMTU 11:10 ပူးပေါင်းရင်းမြစ်များ

JOB 11:12

Sihmanhsehlaw ramlak laa fa cu minung in a chuah tik ceo ah Mihrut cu an fim te lai.

JOB 13:26

Nangmah nih ka dantatnak ding cu na ṭial hna i Ka tlanval lio ka ṭhat lonak rocotu ah khan na ka ser.

JOB 20:11

A ruh cu tlangval ṭhawnnak in a khat ko, Sihmanhsehlaw leidip ah a cang zau lai.

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

SALM 39:5

Ka nunnak hi zabok can men ah na ser! Nang na mit ah cun ka nun chung hi zei karlote bantuk a si ko. Minung hi voi khat thaw chem tluk men an si dih taktak ko;

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

PHUNGTHLÛKBIA 22:15

Ngakchia nih hin hruhnak thil le thil ṭhalo hi an tuah tawn phung a si, Sihmanhsehlaw chimhhrinhnak fung nih cun ṭha deuh in a cawnpiak hna lai.

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

PHUNGCHIMTU 1:2

Pakpalawng lawngte, pakpalawng lawngte! Zeizong vialte hi pakpalawng an si ko, tiah Phungchimtu nih a ti.

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.