PHUNGCHIMTU 10:20 - Lai (Hakha) Common Language Bible 2006

²⁰ Siangpahrang cu a thlite hmanh in congoih hlah, Mirum cu nan ihnak khan chung hmanh ah congoih hlah, Zeicahtiah thli lak i a zuangmi va nih na aw cu an kalpi lai i na chimmi cu an va chimh sual ko hna lai.

PHUNGCHIMTU 10:20 ပူးပေါင်းရင်းမြစ်များ

2 SIANGPAHRANG 6:12

Cun a sinum pakhat nih a thawh i, “Ahohmanh kan um lo, ka bawipa, maw siangpahrang; sihmanhsehlaw Israel ram i a ummi profet Elisha nih na ihnak dal chung i na chimmi bia cu Israel siangpahrang kha a chimh,” tiah a ti.

ESTHER 2:22

Cun mah cucu Mordekai nih a hngalh tikah Siangpahrangnu Esther cu a chimh i Esther nih siangpahrang cu Mordekai min in a chimh.

EXODUS 22:27

zeicahtiah cu lawng cu pei khualumnak ding caah i khuhnak a ngeih cu. Cucu nan lakpiak ahcun zeidah aa vorh ti kun lai? Bawmhnak duh ah a ka auh tikah ka leh lai, zeicahtiah kei cu mi zaangfah hmangmi ka si.

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

EXODUS 8:3

Tiva cu utlak in a khat lai i tiva cu an kaltak lai i na inn chungah an lut lai; na ihnak khaan le na ihkhun le na bawi pawl inn le na mi hna inn ah khan an lut lai; na tappi le na changreu sernak kheng chung tiangin an lut lai.

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

LUKA 10:40

Martha cu a rian a tam caah khan a ing a puang i, “Bawipa, ka nau nih keimah lawng rianṭuan a ka rinh hi na zei a poi lo maw? Va bawm tiah hun chim” tiah a ti.

LUKA 19:40

Jesuh nih cun a leh hna i, “Hi hna hi an daih ahcun lung hrimhrim hi an au lai,” tiah a ti.

LAMKALTU 23:5

Paul nih a leh hna i, “Ka u le ka nau hna, amah cu Tlangbawi Ngan a si kha ka hngalh lo caah a si. Cathiang chungah, ‘Na mi a uktu hna cu na thangchiat lai lo,’ ti bia a um,” tiah a ti.