PHUNGCHIMTU 10:15 - Lai (Hakha) Common Language Bible 2006

¹⁵ A hruh tuk ruang i inn lam hmanh a hngal ti lomi lawng nih ba cikcek in rian a ṭuan lai.

PHUNGCHIMTU 10:15 ပူးပေါင်းရင်းမြစ်များ

SALM 107:4

A cheu cu sul le lam a um lonak thetse ram ah khan an vai i an umnak ding khua kalnak lam kha an i hmuh kho lo;

SALM 107:7

A hruai hna i an umnak ding khua ah khan a kalpi hna.

PHUNGCHIMTU 10:10

Na hreitlung cu a hnawl i na tat lo ahcun Tha tam deuh chuah na hau lai. A hlankan in rak i timhtuah hi a ṭha deuh.

PHUNGCHIMTU 10:14

Mihrut cu dong loin bia a chim. Ahohmanh nih hmailei ah zei thil a um lai ti kha kan hngal lo, cun kan thih tikah zeitindah kan um lai ti kha ahohmanh nih an chim kho fawn lo.

PHUNGCHIMTU 10:16

A siangpahrang a lung fawi tein tei khawh a simi ram cu harnak a phan tawn, A bawile hna zan khuadei in puai ah aa nuammi ram cu harnak a phan ṭheo.

PHUNGCHIMTU 10:3

Mihrut cu khual hmanh nih a hruhnak kha an hngalh i mihrut ka si ti kha a mi kip a hngalhter hna.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

ISAIAH 57:1

Miṭha kha an thi, sihmanhsehlaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah khan harnak nih fahnak a pek khawh ti hna lonak hmun ah an kal a si.

HABAKKUK 2:6

Teimi hna nih khan an teitu hna kha an nehsawh hna lai i zei i an rel hna lai lo kha an langhter lai. An thawh hna lai i, “Nanmah ta a si lomi thil kha nan i lak, asinain nan rawk ṭhiamṭhiam ko lai; Lei a batu hna kha hranhram in, ka pe ko, tiah nan cawh peng hna, Cuticun zei can tiang dah rum chin lengmang nan i timh lai?