PHUNGCHIMTU 1:9 - Lai (Hakha) Common Language Bible 2006

⁹ A rak si cangmi kha a si ṭhan ko lai, tuah lengmangmi hi tuah lai dingmi cu a si fawn ko lai; vawlei cungah hin zeihmanh a thar a um lo.

PHUNGCHIMTU 1:9 ပူးပေါင်းရင်းမြစ်များ

PHUNGCHIMTU 1:10

“Zohhmanh, mah hihi a thar a si,” an ti; sihmanhsehlaw cucu hlanpi ah, kan chuah hlanpi ah a rak um diam cangmi a si.

PHUNGCHIMTU 2:12

A ngaingai ti ahcun, siangpahrang nih a tuah khawhmi hi amah hlan i a rak ummi siangpahrang hna nih an tuahmi kha an si ko ee. Cucaah fim ti le ralrin lo ti le hruh ti hna hi an sullam zeidah an si ti kha ka ruat ṭhan.

PHUNGCHIMTU 3:15

A um liomi hi a um cangmi an si dih ko; a um dingmi hi hlanah a rak um diam ding cangmi kha an si; Pathian nih a um ciami thil kha a um ṭhanter lengmang hna.

PHUNGCHIMTU 6:10

Thil a hung ummi paoh hi hlan piin ruah cia dih an si cang i mi nih amah nakin a ṭhawng deuhmi he bia i al cu a si kho lo ti kha kan hngalh cio.

PHUNGCHIMTU 7:10

“Zeicahdah hlan lioah khan atu nak hin thil kha a rak ṭhat deuh?” ti hlah, cucu fimnak biahalnak a si lo.

ISAIAH 43:19

Thil thar ka tuah ding tu kha i ngiat u. Cucu atu ah hin a um lio cang, a hmuh hmanh nan hmuh khawh ko lai. Ramcar chungin lam pakhat ka kalter lai i cuka ah cun tiva luang kan pek hna lai.

JEREMIAH 31:22

Zeicahdah lung awṭawm in nan um lai, nannih zumhawktlak lomi hna? Bawipa nih thil thar pakhat vawlei cungah hin ka ser: nu nih pa an tluk hna lai.”

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

BIAPHUAN 21:1

Khi hnuah van thar le vawlei thar kha ka hmuh hna. Van hmasa le vawlei hmasa kha an lo cang i rili kha a um ti lo.

BIAPHUAN 21:5

Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.