PHUNGCHIMTU 1:8 - Lai (Hakha) Common Language Bible 2006

⁸ Zeizong vialte hi thadi le zaangbang an si dih, holh in chim khawh hmanh an si lo; mi nih hin hmuh hi cim ti a ngei lo i hna nih hin theih hi khim ti a ngei ve lo.

PHUNGCHIMTU 1:8 ပူးပေါင်းရင်းမြစ်များ

SALM 63:5

Ka nunnak cu rawldangh bantukin aa dang lai i a khim lai, cun nangmah thangṭhat lawmhnak hla kha ka sa lai.

PHUNGTHLÛKBIA 27:20

Sheol le Abaddon cu zeitikhmanh ah an vuai bal lo. Minung mit zong zeitikhmanh ah a vuai bal ve lo.

PHUNGCHIMTU 1:7

Tiva vialte cu rili chungah an vung luang, sihmanhsehlaw rili cu a khat hlei lo; ti cu tiva an i thawknak ah khan a kir ṭhan i a hram in aa thawk ṭhan ko.

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

PHUNGCHIMTU 6:7

Mi nih heh tiah rian a ṭuan cu ei awk hmuhnak ding caah a si ko, sihmanhsehlaw kaa za cang ti cu a um kho hlei lo.

HAGGAI 1:9

Nan kawlmi cu a tampi, sihmanhsehlaw nan hmuhmi cu a tlawm. Nan rawl ṭuanmi cu inn i nan hun tlunpi ah khan kei nih lolak in ka rak chem hna. Zeicahdah hi bantukin a si? tiah Bawipa nih a ti. Hi ti a si cu, nannih vial nih i dornak inn nan i ngeih cio cang i kei ka inn vial rawk nelnul in a rilh ko caah hin a si.

MATTHAI 11:28

“Rethei le thilrit mi vialte hna, ka sinah ra tuah u, dinhnak kan pek hna lai.

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.