OBADIAH 1:7 - Lai (Hakha) Common Language Bible 2006

⁷ Nangmah sin i a ṭangmi hna nih khan an in hlen i Na ram chungin an in dawi cang. Nangmah he i rem tein a rak ummi hna nih khan an in tei cang. Na sin i ti ding rawl ei in a ummi na hawile nih khan rap an in chiahhnawh cang i, “A fimnak vialte kha tah khuazei ah dah a si kun?” an in ti.

OBADIAH 1:7 ပူးပေါင်းရင်းမြစ်များ

SALM 41:10

Bawipa, ka zaangfah law damnak ka pe ṭhan ko; cun ka ral cu teirul ka cham ṭhan hna lai.

SALM 41:9

Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 38:22

Zohhmanh Judah siangpahrang inn chungah a tangmi nu vialte hna cu Babilon siangpahrang i a bawi hna sinah kalpi an si lai i annih nih, Na hawikom lila nih khan nangmah cu a pingah an in hruai i na caah an ṭhawng tuk; Na ke cu nawncek chungah an pilter i an in mertak i an in kaltak cang, an ti lai.

JEREMIAH 4:30

Maw nang, ṭiaotakmi, puan sen in naa thuamh i sui hlawn in naa ṭamh i Na mit hna cu thuhmi si in na kauhter hna hi, a sullam zeidah a si? Pakpalawng ah pei naa ṭamh ko cu. Na tlangval hna nih an in nihsawh i na nunnak kha lakpiak an in timh.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

ṬAHNAK HLA 1:19

A ka dawtu kha ka kawh hna, Sihmanhsehlaw zumhawktlak an si ti lo; Khua chung i a ummi ka tlangbawi hna le upa hna kha, An thazang hrimh ṭhan awk caah rawl an kawl nain, Zeihmanh an hmu lo.

HOSEA 13:13

Israel nih hin nun khawh nakding caah caan ṭha a ngei ko, Sihmanhsehlaw a hrut tuk i cu caan cu aa lak lo. Amah cu a hung chuak dengmangmi naute, a nu paw chungin chuah a duh lomi bantuk khi a si.

HOSEA 7:11

Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.