OBADIAH 1:5 - Lai (Hakha) Common Language Bible 2006

⁵ Mifir nih si hna seh, philhmangmi nih si hna seh, zan ah an in fuh tikah, Annih nih cun an duhmi lawng kha an lak ko; Cun mitsur thei cu a lomi nih an lawh tikah tlawmpal cu an nganh ta zungzal.

OBADIAH 1:5 ပူးပေါင်းရင်းမြစ်များ

2 SAMUEL 1:19

Maw Israel, na sunparnak cu, na tlang cungah thah an si cang. Ralkap ṭhawng bikbik hna cu an ril cang.

ISAIAH 14:12

Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang.

ISAIAH 17:6

Tlawmte lawnglawng an tang lai i Israel cu a thei an lawh dih i a parpahlek ah pum hnih pum thum, a nge ah pum li pum nga lawng an nganhmi oliv kung bantuk a si lai. Bawipa Israel Pathian keimah nih hi bia cu ka chim,” a ti.

ISAIAH 24:13

Mah hihi vawlei cung miphun dihlak cung i a tlung dingmi thil cu a si. Zei he dah aa lawh lai ti ahcun, rawl ṭuan a dih tik i oliv thei vialte oliv nge in an ṭhilh dih hna hnu le mitsur ruang in mitsur thei vialte an lawh dih hna caan he khin aa lo lai.

JEREMIAH 49:9

Mitsur thei lotu kha nan sinah an rat tikah a mua cu an nganh ding a si, Cun zan ah mifir nih na thei tlaiter kha fir seh law A duhmi lawng kha a lak ko lai.

JEREMIAH 50:23

Zeitindah vawlei pumpi a rak dengtu sobul kha aa cheu i a kuai dih cikcek kha zohhmanh u, Zeitindah Babilon cu miphun hna lakah tuksapur ah a can ee!

JEREMIAH 6:9

Hi bangin Ralkapbu Bawipa nih a ti, “Mitsur ruang bantukin Israel mi a tangmi hna cu an mua sua cikcek hna, Mitsur thei a lotu bantukin a nge hna kha na kut in vun pur rih tuah hna.”

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

OBADIAH 1:9

Teman ralkap hna cu an thin a phang lai i, Esau Tlang i a ummi ralkap vialte kha thah an si lai,” tiah Bawipa nih a ti.

MIKAH 7:1

Aize! Theikung cungah thei zeihmanh a hmu ti lomi le Mitsur ruang ah a thei zeihmanh a hmu ti lomi rawlṭammi bantuk ka si ai cang. Mitsur thei vialte le theipi a thaw ngaingaimi cu an lawh dih ai cang hna.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

DEUTERONOMI 24:21

Nan mitsur dum chung i mitsur tlai kha nan lawh tikah, a mua nan sua ṭhan lai lo; mipem le pangeilo le nuhmei caah a si lai.

BIAPHUAN 18:10

Temhnak a inmi kha an ṭih caah a langhlat piin an dir i cuka cun an i thawh i, “Ṭih a hei nung hringhran dah! Mi tuksa a hei pur hringhran dah! Babilon khualipi, khua lianngan le khua ṭhawng! Suimilam pakhat chungah na rawk dih ko!” an ti lai.