OBADIAH 1:16 - Lai (Hakha) Common Language Bible 2006

¹⁶ Ka mi hna nih ka tlang thiang cungah dantatnak hrai a khaami kha an din cang. Cun hi ram pawngkam i a ummi miphun hna nih cu nakin a ṭhalo chinchinmi dantatnak kha an din lai; An din lai i an dolh lai i an lo lai.”

OBADIAH 1:16 ပူးပေါင်းရင်းမြစ်များ

ISAIAH 42:14

Pathian nih aa thawh i, “Caan saupi dai tein ka um i ka mi kha ka let hna lo. Sihmanhsehlaw atu cu cawlcangh a cu cang; nau ngan a fakmi nu bantukin ka ai.

JEREMIAH 49:12

“Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

ṬAHNAK HLA 4:21

Uz ram ah a ummi Edom fanu, I lawm law na tha nuam ko; Asinain, na caan a phak tikah hrai cu na sin a phan ve lai i, Na rit tikah nangmah le nangmah cu ningzahnak ah naa paih te lai.

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

HABAKKUK 1:9

Hi mi vialte hna hi zaang-ennak tuah awkah a rami an si, An mui ṭihnung cu nichuahlei thli bantuk a si, Sal i an tlaihmi hna cu thetse zat an si.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?