OBADIAH 1:12 - Lai (Hakha) Common Language Bible 2006

¹² Na unau hna cu an van a chiat caah khan diriam in na um awk a si lo, Judah mi kha an rawk ni ah naa lawmh awk zong a si lo; Harnak an ton ni ah na nihsawh awk hna zong a si fawn lo.

OBADIAH 1:12 ပူးပေါင်းရင်းမြစ်များ

JOB 18:20

Nitlaklei mi hna nih a kong an theih tikah an tuk a sum i Nichuahlei mi hna cu an thlakawk a bar hna.

JOB 31:29

Ka ral nih fahnak an in tikah kaa lawm bal lo, rawhralnak an ton tikah, diriam in ka um bal lo;

SALM 22:17

Ka ruh vialte an lang dih. Ka ral nih khan an ka zoh i an di a riam;

SALM 31:18

Lihchimmi kha daihter hna — annih cu miporhlaw, miruamkai, bia songpuam in miding mi kong ceih a hmangmi an si.

SALM 35:15

Harnak ka ton tikah an i lawm i an ka dum i nihchuak ah an ka saih; khuai nih khan heh tiah ngol loin an ka tuk.

SALM 37:13

Sihmanhsehlaw Bawipa nih cun miṭhalopa cu a nihsawh men ko, zeicahtiah luklak ah a rawh lai kha a hngalh.

SALM 54:7

Ka harnak vialte chungin na ka chuah i ka ral an sungh cu ka hmuh hna.

SALM 59:10

A ka dawtu ka Pathian nih a ka don lai, ka ral cu a ka teipiak hna lai.

SALM 92:11

Ka ral an sungh kha ka hmuh i miṭhalo pawl an ai len kha ka theih.

PHUNGTHLÛKBIA 17:5

Misifak nihsawh cu a Sertu nehsawh kha a si, Mi nih van chiat an ton tikah a di a riammi cu dantat loin a luat lai lo.

ISAIAH 37:24

Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

ṬAHNAK HLA 2:16

Na ral vialte hna nih khan an in nihsawh: An in cekcekhnawh i an hacang an in rial hnawh i, Aa, hika hi kan phan cang, Hi ni hi pei kan rak ngan lengmangmi kha a si cu; Kan hmuh taktak cang hi ta,’ an ti.

ṬAHNAK HLA 4:21

Uz ram ah a ummi Edom fanu, I lawm law na tha nuam ko; Asinain, na caan a phak tikah hrai cu na sin a phan ve lai i, Na rit tikah nangmah le nangmah cu ningzahnak ah naa paih te lai.

EZEKIEL 35:12

Bawipa ka si kha nan hngalh lai. Israel ram tlang nan thangchiat hnanak vialte i nan i thawh i, ‘Israel ram tlang hna cu ṭiaotakmi an si cang i kanmah ei awkah pek an si cang,’ nan timi kha ka theih dih ko.

EZEKIEL 35:15

Ka rothil a simi Israel cungah na diriam tein na tuah bantuk khan na cungah ka tuah ve lai. Maw Seir tlangram, na ṭiao dih lai, cucu Edom vialte donghnak a si lai. Cuticun mi nih Bawipa ka si kha an hngalh lai,” a ti.

EZEKIEL 36:5

Hihi Bawipa Pathian bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

MIKAH 4:11

Sihmanhsehlaw atu cu miphun tampi nih an in chuahhnawh i, “Hremnak ing seh, Zion cungah kan diriam seh,” an ti.

LUKA 19:41

Khuapi cu a hei naih chin lengmang i a hei hmuh tikah a ṭah i,

JEIM 3:5

Cu bantukte cu lei hi a si: thil hmete a si nain ngan pipi in aa porhlaw tawn. Meici hmete nih ram kaupi a khangh tawn kha ruat hmanh u.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

BIAPHUAN 13:5

Sahrang cu a ṭhalo tuk hringhranmi thil kha chim onh a si i thla sawm li le thla hnih chung nawlngeihnak ngeih onh a si.

1 SAMUEL 2:3

Ninghngal tuk in bia chim ti hlah u, Ruamkainak cu nan kaa chung in chuak hlah seh; Zeitintiah Bawipa cu fimnak Pathian a si, Amah nih tuahnak hna kha an khing a thlai tawn hna.