OBADIAH 1:11 - Lai (Hakha) Common Language Bible 2006

¹¹ Ral nih an kutka kha an bauh hna i an chawva vialte kha an lak i Jerusalem khua kha camcawhfung khiah in an i cheuh ni ah khan, Nang cu na dir sawhsawh ko i annih he khan lungkhat in na um.

OBADIAH 1:11 ပူးပေါင်းရင်းမြစ်များ

2 SIANGPAHRANG 25:11

Cun mi a tang rihmi khua chungah nganhtami hna le Babilon siangpahrang sin i a rak zammi hna kha le zapi a tang rihmi vialte hna kha ralvengtu haotu Nebuzaradan nih sal ah a hruai dih hna.

SALM 137:7

Jerusalem an tlaih ni ah, Edom mi nih an tuahmi kha philh hlah, Maw Bawipa, “Hrawk dih cikcek u law a hram tiangin kalh dih u,” an ti kha philh hin hlah.

SALM 50:18

Mifir nan hmuh tikah a hawi ah nan i cang i vacung pa duhmi hna he nan i kom.

SALM 83:5

An khuakhanmi ah cun lungkhat in an um i nangmah doh awkah cun an ṭang ṭi.

SALM 83:6

Cu hna cu, Edom mi, Ishmael mi; Moab mi, Hagri mi,

EZEKIEL 35:10

Na thawh i, Miphun pahnih hna, Judah le Israel cu an ram pahnih hna he, khika ah Bawipa ka um ko nain, keimah ta an si lai i ka co hna lai, na ti.

JOEL 3:3

Saltang hna kha, aho nih dah a co hna lai, tiah camcawhfung an khiah. Pa ngakchia kha hlawhhlangnu man phalh awkah an zuarh hna i Nu ngakchia kha zu din awk cawknak caah an zuarh hna.

AMOS 1:6

Hihi Bawipa bia an si: Gaza nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo; Annih nih saltangmi kha an bu ning piin an kalpi hna i Edom ah khan an chiah hna.

AMOS 1:9

Hihi Bawipa bia an si: Tair nih ṭhat lonak kha pakhat hnu pakhat a tuah lengmang caah A cung i dantatnak ka tlunter ding kha ka let lai lo, Annih nih sahlawh rualchan sinak kha philh riangmang in, Saltang hna kha an bu ningpi in Edom ah an chiah hna.

NAHUM 3:10

No-amon zong cu ral ah a tang i sal cannak chungah an kalpi; Lam ṭe ka kip ah khan a fano tete hna cu an den dih hna i a bawi hna cu camcawhfung zuh in an i ṭhen hna i a mingan vialte hna cu cikcin in an khih hna.

ZEFANIAH 2:10

Ralkapbu Bawipa mi kha an serhsat hna i an zawmhtaih hna caah, mah hihi an i porhlawtnak lehrulhnak cu a si lai.