NEHEMIAH 9:38 - Lai (Hakha) Common Language Bible 2006

³⁸ Hi thil vialte hna ruangah hin a fekmi biakamnak kha caṭial in kan ser i kan bawi hna le kan Levi mi hna le kan tlangbawi hna nih an cakhenhnak in an khenh.

NEHEMIAH 9:38 ပူးပေါင်းရင်းမြစ်များ

2 SIANGPAHRANG 23:3

Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

2 CHANRELNAK 23:16

Cun Jehoiada nih amah le mizapi hna le siangpahrang karlak ah khan, annih cu Bawipa mi si awkah biakamnak a ser.

2 CHANRELNAK 29:10

Ṭih a nungmi thinhunnak cu kan sinin aa mer nakhnga, Bawipa, Israel Pathian sin i biakamnak ser cu atu cu ka lung i a ummi a si.

2 CHANRELNAK 34:31

Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa ṭialmi biakamnak bia hna cu tuah awkah Bawipa hmaiah cun biakamnak a ser.

EZRA 10:3

Cucaah ka bawipa ruahnak cheuhning in le kan Pathian nawlbia ah a thermi hna ruahnak cheuhnak bangin, hi kan nupi vialte hna le an fale hna hi hlawt awkah kan Pathian sinah biakamnak ser u sih; cun phungbia ningin tuah si seh.

NEHEMIAH 10:1

An cakhenhnak in a khenhtu hna cu hi hna hi an si: Hakaliah fapa Nehemiah, ram uktu bawi le Zedekiah,

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

ISAIAH 44:5

“Midang zong nih, pakhat hnu pakhat in, ‘Kei cu Bawipa mi ka si,’ an ti lai i Israel mi chungah khan an i fon lai. An ban ah khan Bawipa min hmelchunhnak kha an ser lai i ‘Kei cu Bawipa mi ka si ve,’ an ti lai,” a ti.

MATTHAI 27:66

Cucaah an va kal i thlan cu him tein an cawnghter hna; lung kha ca an khenh i ralvengtu pawl kha, run veng u, an ti hna.