NEHEMIAH 9:36 - Lai (Hakha) Common Language Bible 2006

³⁶ Zohhmanh, nihin ah hin kannih cu sal kan si ko; a theitlai le a laksawng ṭha hna kha i lawmhpi awkah kan pupa hna na pekmi ram chungah hin kannih cu zohhmanh sal kan si ko.

NEHEMIAH 9:36 ပူးပေါင်းရင်းမြစ်များ

2 CHANRELNAK 12:8

Asinain, annih cu a sal an si ko lai, zeicahtiah annih nih ka rianṭuan le ramdang hna pennak rianṭuan an i dan kha an hngalh nakhnga,” tiah a ti.

EZRA 9:9

Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh ṭhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun ṭhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.

ṬAHNAK HLA 5:4

Kanmah ti lila kha din kan duh ah kan cawk a hau i Kanmah thing lila kha phaisa in kan cawk lawngah kan ngeih khawh.

ṬAHNAK HLA 5:5

Hngawngkual cu kan hngawng ah khinh kan si i a luan tuk in hnek kan si; Kan tha a ba nain dinh mui kan hmu lo.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.