NEHEMIAH 9:32 - Lai (Hakha) Common Language Bible 2006

³² “ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

NEHEMIAH 9:32 ပူးပေါင်းရင်းမြစ်များ

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

2 SIANGPAHRANG 17:23

Bawipa nih a sal profet vialte hna in a chim bantuk khan Israel cu a mithmuh phak lonak ah a ṭhial hlantiang, annih nih mah cucu an kaltak hna lo. Cucaah Israel mi cu anmah ram in Assiria ram ah nihin tiang sal ah an tang.

2 SIANGPAHRANG 17:3

Amah cu Assiria siangpahrang Shalmaneser nih a doh; cun Hoshea kha a tangum ah a cang i ngunkhuai a pek.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

2 SIANGPAHRANG 23:29

Amah chan ah cun, Izipt siangpahrang Faro Neko cu Assiria siangpahrang sinah Zufrates tiva ah a hung kal. Josiah Siangpahrang cu amah ton awkah khan a kal; cun a rak hmuh tikah Faro Neko nih cun Megiddo ah a rak thah.

2 SIANGPAHRANG 25:7

Zedekiah fapale cu a hmaika hrimhrim ah khan an thah hna i Zedekiah cu a mit an khoih i hreng an khenh i Babilon ah an kalpi.

EZRA 4:10

cun a ngan i a ṭhami Osnappar nih Samaria ram chung khua hna le Tiva Ral ram a tangmi chung i a kalpi hna i a umtermi miphun hna nih khan ca cu an ṭial i

EZRA 4:2

Zerubbabel le pale innchungkhar lu a si ciomi kha an fuh hna i annih cu an thawh hna i, “Kan in sakpi hna lai; zeicahtiah nan Pathian cu nanmah bantukin kannih zong nih kan biak i Assiria siangpahrang Esarhaddon nih hika ah a kan ratpi thawk in atu tiang Pathian sinah cun rai kan thawi ve ko”, tiah an ti.

EZRA 9:13

Cun kan ṭhat lonak le kan mawhnak a nganmi ruang i kan cung i a tlungmi thil vialte hna hnuah hin, kan Pathian, kan ṭhat lonak nih a hmuh awk hnga nakin tlawm deuh in nangmah nih dan na kan tat i hi bantuk a tangmi hi na kan pek ti kha kan hmuh caah

NEHEMIAH 1:5

Cun kaa thawh i, “Maw Bawipa, vancung Pathian, nangmah an dawtu le na nawlbia a ulmi hna cung i biakamnak le a fekmi na dawtnak a hmunhtertu a lian a ngan i ṭih a nungmi Pathian,

SALM 47:2

Cung Nung Bik Bawipa cu ṭih awk a si, amah cu a liannganmi siangpahrang vawlei cung vialte uktu a si.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

SALM 66:5

Ra u law Pathian nih a tuahmi thil hi zoh hna hmanh u, minung sinah a tuahmi thil khuaruahhar hi zoh hna hmanh u.

EXODUS 18:8

Israel mi hna ruangah Izipt mi hna le Faro cungah Bawipa nih a tuahmi vialte kha a chimh dih. Lampi ah harnak an tonmi le Bawipa nih a khamh hnanak zong kha a chimh.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

DANIEL 9:4

“Bawipa, nang cu a lian a ngan i ṭih a nungmi Pathian na si, nangmah an dawtu hna le na nawlbia a zulmi hna sinah cun na biakamnak kha zumhawktlak tein na zulh;

DANIEL 9:6

Kan siangpahrang hna le kan bawi hna le kan pupa hna le hi ram chung mi vialte hna sinah nangmah min in bia a rak chimtu na sal na profet hna cu an bia kan rak ngai hna lo.

DANIEL 9:8

Maw Bawipa, kan siangpahrang hna le kan bawi hna le kan pupa hna cung i ningzahnak a tlun bantuk khan kan cung zongah a tlung ve ko; nangmah cungah kan dihlak in kan sual ko.

LEVITIKAS 26:18

Cun mah hi ti, ti zong i ka bia nan ngaih ṭhiamṭhiam lo ahcun nan sualnak ruangah a let sarih in kan chimhhrin rih hna lai i,

LEVITIKAS 26:21

“Cun keimah ralchanh in nan kal i ka bia nan ngaih lo ahcun, nan cung ah hremnak, nan sualnak nakin a let sarih tam in ka tlunter lai.

LEVITIKAS 26:24

keimah zong nannih ralchanh in ka kal ve lai i keimah hrimhrim nih nan sualnak ruangah a let sarih in kan tuk hna lai.

LEVITIKAS 26:28

keimah zong thinhun in nanmah ralchanh in ka kal ve lai i keimah hrimhrim nih nan sualnak caah khan a let sarih in kan chimhhrin hna lai.

DEUTERONOMI 7:12

“Cun hi phunglam kha nan ngaih hna i nan tuah hna caah Bawipa nan Pathian nih nan pupa hna sinah zulh awk i chiat a sermi biakamnak le a fekmi dawtnak cu nannih sinah a hmunhter lai;

DEUTERONOMI 7:13

an dawt hna lai, thluachuah an pek hna lai i an karhter hna lai; nan pupa hna sinah nannih kha pek awkin chiat a sermi ram chungah hin nan pum theitlai le nan vawlei theitlai, nan rawl le nan mitsur hang le nan chiti, nan cawfa hna le nan tuufa hna zong, thluachuah a pek hna lai.

DEUTERONOMI 7:21

Annih kha nan ṭih awk a si lai lo, zeitintiah Bawipa nan Pathian, a lianngan i ṭih a nungmi Pathian cu, nannih lakah a um.

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,