NEHEMIAH 9:29 - Lai (Hakha) Common Language Bible 2006

²⁹ Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i ṭhawnter i an hngawng kha an i rengh i na nawl ngaih kha an duh lo.

NEHEMIAH 9:29 ပူးပေါင်းရင်းမြစ်များ

2 SIANGPAHRANG 17:13

Sihmanhsehlaw Bawipa nih Israel le Judah cu profet kip le hmutu kip in ralrinnak a pek ṭhiamṭhiam hna i, “A ṭha lomi nan lam hi mertak hna u law, nan pupa hna sinah ka rak pekmi phungbia vialte ning khan le ka sal profet hna sinin nan sinah kan pek hna ning hin, ka phungbia le ka nawlbia cu zul hna u,” tiah a ti.

2 SIANGPAHRANG 17:14

Sihmanhsehlaw annih nih ngaih an duh lo, Bawipa an Pathian a rak zum lomi an pupa hna an lung a hah bantuk khan an lung a hak ve.

2 CHANRELNAK 24:19

Asinain, Bawipa sin i kirpi ṭhan awkah khan profet kha a thlahhnawh hna, sihmanhsehlaw zei ah an rel hna lo.

2 CHANRELNAK 33:10

Bawipa nih Manasseh le a mi hna sinah khan bia a chim ko nain zeihmanh ah an rel lo.

2 CHANRELNAK 36:15

Bawipa, an pupa hna Pathian nih khan a mi hna le a umnak hmun cungah khan zaangfahnak a ngeih caah lamkaltu kha ngol duh lo tein a thlahhnawh lengmang hna;

NEHEMIAH 13:15

Khi caan ah khan Judah ram chungah sabbath ni i mitsur hang an nen i rawl kha tam piin an rak phorh i laa cung i an chuan hna kha ka hmuh; cun mitsur hang le mitsur thei le theipi le thilrit a phunphun, Jerusalem i sabbath ni i an rak phorh zong kha ka hmuh fawn; cun rawl an zuar ni ah cun ralrinnak ka pek hna.

NEHEMIAH 9:10

kan pupa hna kha zeirello in an ti hna kha na hngalh caah Faro le sinum hna le a ram mi vialte hna cungah hmelchunhnak le khuaruahhar kha na tuah i nihin ni tiangah a si bang hin min pakhat naa ser.

NEHEMIAH 9:16

“Sihmanhsehlaw annih le kan pupa hna nih cun porhlawt ngaiin thil an tuah i an hngawng kha an i rengh i na nawlbia kha an ngai lo;

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

JEREMIAH 17:23

Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 42:19

Cun Jerimiah nih a bia cu a peh i, “Nannih Judah ram chung i a tangmi hna, Bawipa nih Izipt ram i kal lo awkah an chimh hna. Cucaah nan palh ngaingai caah

JEREMIAH 43:2

“Lih na chim. Bawipa kan Pathian nih kannih cu Izipt ram i vung kal i vung um kha thlauh awkah nangmah cu an thlah lo.

JEREMIAH 44:10

Nihin ni tiang hin ngaihchiatnak nan ngei lo i hmaizahnak zong nan ngei rih lo, nan pupa hna le nanmah hmai i ka chiahmi ka phungbia le ka nawlbia kha nan zul hna lo.

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

EZEKIEL 20:11

Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.

DANIEL 5:20

Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiṭhutdan cung khan amah cu ṭhumh a si i a sunparnak cu chuh a si.

HOSEA 6:5

Cucaah nan cung i biaceihnak bia le rawhralnak bia a chimtu ka profet cu kan thlahhnawh hna. Ka mi nih tuah hna seh tiah kan duhmi hna cu a fiang i a tliang ko:

LEVITIKAS 18:5

Cucaah nannih nih ka nawlbia le ka phunglam kha nan ulh hna lai, cu tuahnak thawngin mi nih an nung lai: keimah hi Bawipa cu ka si.

MATTHAI 19:17

Jesuh nih cun, “Zeicahdah ‘zei thil ṭha dah,’ timi cu na ka hal? A ṭhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.

LUKA 10:28

Jesuh nih cun, “Na bialehnak ahmaan; cucu va tuah law na nung lai,” tiah a ti.

ROM 10:5

Moses nih Nawlbia zulhnak thawngin Pathian he remnak hmuhnak kong ah a chimmi cu hitihin a si: “Nawlbia nih tuah u a timi a tuahmi paoh cu, cu an tuahnak thawng cun an nung lai,” a ti.

GALATI 3:12

Sihmanhsehlaw Nawlbia le zumhnak cu an kalning aa dang ko; Cathiang nih, “Nawlbia nih tuah awk a si a timi paohpaoh a tuah dihmi cu, cu a tuahnak thawng cun a nung lai,” a ti ve taktak.

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.

DEUTERONOMI 31:27

Zeitintiah zeitluk in dah ralchanh hmang le milungkhong nan si kha ka hngalh. Zohhmanh u, nannih sin i ka nun lio hmanh ah nihin ah Bawipa cu nan ralchanh; zeitluk in dik ka thih hnuah nan hei ralchanh chinchin lai!

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

BIACEIHTU 6:10

cun nannih sinah, ‘Keimah cu Bawipa nan Pathian cu ka si; an ram chung i nan umnak Amor mi hna pathian hna cu upatnak nan pe hna lai lo, ka ti; sihmanhsehlaw ka aw kha zei ah nan rel lo,’ a ti,” tiah a ti.