NEHEMIAH 9:24 - Lai (Hakha) Common Language Bible 2006

²⁴ Cucaah an tefa hna cu an lut i ram cu an co i an hmaiah cun cu ram a rak hlumtu Kanaan mi hna kha na tei hna i annih cu an duhduh in an tuah hna nakhnga an kut chungah an siangpahrang hna le cu ram mi hna cu na chanh hna.

NEHEMIAH 9:24 ပူးပေါင်းရင်းမြစ်များ

1 CHANRELNAK 22:18

“Bawipa nan Pathian cu nan sinah a um lo mei? Cun amah nih kam kip ah daihnak an pe hna lo mei? Zeitintiah hi ram chung i a ummi hna cu nan kut chungah an pek hna i ram cu Bawipa le a mi hna hmaiah tei a si cang.

ESTHER 9:5

Cucaah Judah mi nih an ral hna cu vainam in an tuk, an thah, an hrawh hna i anmah a huatu hna kha an duhduh in an tuah hna.

NAMBAR 14:31

Sihmanhsehlaw nan ngakchia hna, annih cu tlaih khih awk men an si lai, nan timi hna kha ka luhpi hna lai i nannih nih zei i nan rel lomi ram kha an umhnawh lai.

2TIMOTE 2:26

Cun an lung a hung fim lai i amah duhnak tuah awkah a foih i sal ah a hrengtu hna Khuachia rap khan an luat lai.

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 11:23

Cucaah Bawipa nih Moses sinah a rak chim cangmi vialte bantuk khan Joshua nih ram cu a ning piin a lak i an phun ning cio i phawtning khan Joshua nih Israel mi hna sinah ro caah a pek hna. Cun ram cu ral in aa din.

JOSHUA 12:12

Eglon siangpahrang, pakhat; Gezer siangpahrang, pakhat;

JOSHUA 12:24

Tirzah siangpahrang, pakhat; an dihlak in siangpahrang sawm thum le pakhat an si.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

JOSHUA 21:43

Cu bangin Bawipa nih Israel mi cu an pupa hna sinah pek awkin chiat a sermi ram vialte kha a pek hna. An tei i khika ah um hmun an khuar.

JOSHUA 21:45

Bawipa nih Israel chungle hna sinah biakamnak ṭha a sermi vialte lakah khan pakhat hmanh pakpalawng ah a cangmi a um lo; an dihlak tein a tling dih.

BIACEIHTU 4:23

Cucaah khi ni ah Pathian nih Kanaan siangpahrang Jabin cu Israel mi hna hmaiah a tei.