NEHEMIAH 9:20 - Lai (Hakha) Common Language Bible 2006

²⁰ Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.

NEHEMIAH 9:20 ပူးပေါင်းရင်းမြစ်များ

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

SALM 105:41

Lungpi kha a khuai i ti a chuak, thetse ram ah cun tiva bantukin a luang.

SALM 143:10

Nangmah cu ka Pathian na si; cucaah na duhnak tuah kha ka cawnpiak ko. Na velngeihnak thawngin himnak lam ah ka hruai tuah.

EXODUS 16:15

Israel mi nih an hmuh tikah zei a si ti awk kha an hngal lo i pakhat le pakhat cu, “Zeidah a si?” tiah an i hal. Annih cu Moses nih khan, “Hihi Bawipa nih nan ei awk i an pekmi hna rawl a si.

EXODUS 16:35

Israel mi nih manna cu kum sawm li an ei, mi umnak ram an phak tiang cu manna cu an ei; Kanaan ramri an phak tiang khan manna cu an ei.

EXODUS 16:4

Bawipa nih Moses cu, “Nan dihlak caah van in rawl ka surter lai. Ni fate in nan chuahhnawh lai i cu ni ca i aa za dingin nan char lai. Kan cawnpiakmi hna kha nan zul maw zul lo ti cu hi ning hin kan hneksak khawh hna lai.

EXODUS 17:3

Sihmanhsehlaw mi cu an ti a hal tuk i Moses cu an zaihnawh i, “Zeicahdah Izipt ram khan na kan chuahpi? Kanmah he kan fale he kan saṭil he ti haal in thah awkah maw na kan chuahpi?” an ti.

EXODUS 17:6

Horeb tlang lungpi cungah khan na hmaiah ka rak dir lai. Lungpi cu na tuk lai i mi zapi din awkah ti a chuak lai,” a ti. Moses nih Israel mi hruaitu pawl hmaiah cun cu bantuk cun a tuah.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

HAGGAI 2:5

Zeicahtiah Izipt ram in nan chuah i nan sinah biakamnak ka tuah bantuk khan nan sinah ka um ko. Ka thlarau nih an umpi ko hna, ṭih hlah u!

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

ROM 15:30

Kan Bawipa Jesuh Khrih le Thiang Thlarau pekmi dawtnak in kan nawl hna: keimah caah Pathian sinah thla rak cam lengmang ve u.

1 KORIN 10:3

An dihlak in thlarau changreu kha an ei i

EFESA 5:9

Zeicah ti ahcun ṭhatnak a phunphun le dinnak a phunphun le biatak a phunphun a chuahtertu cu, ceunak cu a si.

JOSHUA 5:12

Cun cu ram in a chuakmi an ei tikah, a thaizing in manna kha a dong i Israel mi nih manna kha an ngei ti lo; sihmanhsehlaw cu kum ah cun Kanaan ram in a chuakmi thil kha an ei.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.