NEHEMIAH 9:2 - Lai (Hakha) Common Language Bible 2006

² Cun Israel mi hna cu ramdangmi hna sin khan an i dang i an dir i an sualnak le an pale ṭhat lonak kha an phuan.

NEHEMIAH 9:2 ပူးပေါင်းရင်းမြစ်များ

1 SIANGPAHRANG 8:47

sihmanhsehlaw sal ah an kalpi hnanak ram ah cun, an lung a hung pem i an i ngaihchih i a tlaitu hna ram ah cun na sinah, ‘Kan sual cang, ding lopi le ṭhalo piin thil kan tuah cang,’ tiin nawlnak an tuah ahcun,

EZRA 10:11

Atu cu nan pupa hna Pathian, Bawipa sinah khan sual phuannak tuah u law, amah duhnak kha tuah tuah u; hi ramchung mi hna le ramdang nu hna sin khan i ṭhen ko u,” tiah a ti.

EZRA 6:21

Israel mi saltannak in a kirmi hna le Bawipa, Israel Pathian biak awkah anmah sinah khan aa fon i cu ram mi hna thurhnawmhnak in aa thleidangmi vialte hna zong nih an ei ve.

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

EZRA 9:15

Maw Bawipa, Israel Pathian, nihin ah a si bang hin, kannih cu a luatmi a tangmi na kan nganh caah nangmah cu na ding ko. Na hmaiah misual si ko hmanh u sih law, kan zoh ko rih, zeicahtiah kan sualnak ruangah cun na hmaiah a dir khomi ahohmanh kan um lo,” tiah ka ti.

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

NEHEMIAH 1:6

Israel mi hna nih nangmah cungah kan sual cang i cu sualnak cu phuang in na sal Israel mi hna caah chun zan in nangmah hmaiah thla ka cammi hi theih awkah na hna in ka ngaihpiak law, na mit in ka hmuhpiak ko sawh. Asi, keimah le ka pa innchungkhar hna cu kan sual cang.

NEHEMIAH 10:28

A dang a tangmi mi zapi hna, tlangbawi hna, Levi mi hna, kutka cawngtu hna, hlasatu hna, biakinn rian ṭuantu hna cu an nupile le an fanule hna le an fapale hna he tiah, hngalh khawhnak a ngeimi paohpaoh hna le Pathian phungbia ruangah cu ram mi hna sinin aa thleidangmi vialte nih an unau hna lak i hruitu deuhdeuh cu an fonh hna i

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

NEHEMIAH 13:3

Mi zapi nih phungbia kha an theih tikah, ramdangmi hrinsor a simi vialte kha an thleidan hna.

NEHEMIAH 13:30

Cuticun ramdang thil paohpaoh khan annih cu ka thianh hna i tlangbawi hna le Levi mi hna cu anmah rian cio ah khan ka chiah ṭhan hna;

SALM 144:11

A puarmi ka ral hna kut chung khan ka khamh ko, ramdangmi hna ṭhawnnak chung hin ka khamh tuah, annih cu biatak a chim bal lomi, biatak ka chim lai tiah chiat i serh hnu hmanh i lih a chim ṭhiamṭhiammi an si.

SALM 144:7

Cunglei khan run ka banh law a thukmi ti chung hin ka chuah tuah; ramdangmi hna ṭhawnnak chung hin ka khamh tuah;

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

ISAIAH 2:6

Pathian, na mi Jakob tefa hna cu na hlawt cang hna. Nichuahlei in a rami camhthiam hna le Filistia ram in a rami camhthiam hna cu, hi ram hi an khat dih i hi ram mi hna nih, cu hna phung cu an zulh ve.

JEREMIAH 14:20

Kan ṭhat lonak le kan pupa hna sualnak kha na sinah kan phuan ko, Maw Bawipa, na cungah kan sual ko.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

DANIEL 9:20

Cuticun bia ka chim i thla ka cam i keimah ka sualnak le ka mi hna an sualnak cu ka phuan i Bawipa ka Pathian hmaika ah cun a tlang thiang caah cun nawlnak kha ka tuah.

HOSEA 5:7

Bawipa kha an rawi i a sinah zumhawktlak in an um lo; An fale hna cu amah ta an si lo; Cucaah an ram cu a rawk lai.