NEHEMIAH 9:17 - Lai (Hakha) Common Language Bible 2006

¹⁷ annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

NEHEMIAH 9:17 ပူးပေါင်းရင်းမြစ်များ

1 SIANGPAHRANG 6:13

Cun Israel mi hna sinah khan ka um lai i ka mi Israel mi kha ka hlawt hna lai lo,” tiah a ti.

1 SIANGPAHRANG 8:57

Bawipa kan Pathian cu, kan pupa hna sinah a um bang khan kannih sinah um seh, kan kaltak in a hlawt zong kan hlaw hlah seh;

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

EZRA 9:9

Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh ṭhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun ṭhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.

NEHEMIAH 9:31

Sihmanhsehlaw nangmah cu vel a ngei i zaangfah a thiammi Pathian na si caah le na vel ngeihnak cu a ngan caah an donghnak kha na phakter hna lo i na hlaw hna lo.

SALM 106:13

Sihmanhsehlaw a tuahmi kha an philh ṭhan zau i amah ruahnak hal hmasa loin rian an ṭuan:

SALM 106:7

Izipt ram i a rak ummi kan pupa hna nih khan Pathian tuahmi thil khuaruahhar kha an hngalthiam lo, an cungah a dawtnak voi tampi a langhter kha an philh i Lianngan Bik cu Rili Sen ah khan an doh.

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 78:10

Pathian sinah bia an i kammi kha an zul lo, a nawlbia kha ngaih an duh lo.

SALM 78:11

A tuahmi thil kha an philh hna i khuaruahharnak a langhtermi kha an i cinken lo.

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

EXODUS 32:9

Bawipa nih Moses cu a thawh i, “Hi mi cu ka hngalhmi hna an si, milungṭhawng an si.

PHUNGTHLÛKBIA 1:24

Sihmanhsehlaw kan kawh hna i ngaih nan duh lo, Ka kut kha ka samh i ahohmanh nih zei ah nan rel lo.

JEREMIAH 18:15

Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

EZEKIEL 5:6

sihmanhsehlaw cu miphun dang hna le ramdang hna nak i ṭhalo deuh in ka phung le ka nawlbia kha a doh hna; a mi hna nih cun ka phung kha an hlawt hna i ka nawl bantuk khan um an duh lo.”

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

LEVITIKAS 26:44

Asinain cu vialte ruang hmanh ah cun, an ral hna ram chung i an um tikah, ka hlaw hna lai lo, annih kha hrawh cikcek i annih he ka biakam kha hrawh tiangin ka hua fawn hna lai lo; zeitintiah keimah cu Bawipa an Pathian ka si.

NAHUM 1:3

Bawipa cu phuchim le ṭotho in a kal i khuadawm hna cu a ke toi i leidip an si.

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

NAMBAR 14:41

Sihmanhsehlaw Moses nih, “Zeicaahdah atu ah Bawipa nawlbia kha nan buar, zeitintiah mah cucu santlai ding a si ṭung lo?

NAMBAR 16:14

Cu hleiah cawhnuk le khuaihliti in a luangmi ram ah na kan luhpi fawn ṭung lo, mitsur dum zong ro caah na kan pe fawn lo. Mah mi hna hi an mit na khoih hna lai maw? Kan hung lai lo” tiah an ti.

LAMKALTU 7:39

“Sihmanhsehlaw kan pu le kan pa hna nih khan an hlawt i Izipt ram i vung kir ṭhan tu kha an duh deuh.

ROM 9:15

Zeicahtiah Moses sinah pei, “Zaangfah ka duhmi cu ka zaangfah ko hna lai i zawnruah ka duhmi cu ka zawnruah ko hna lai,” a ti kha.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.