NEHEMIAH 8:9 - Lai (Hakha) Common Language Bible 2006

⁹ Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a ṭah zong ṭap hlah u,” an ti hna.

NEHEMIAH 8:9 ပူးပေါင်းရင်းမြစ်များ

2 SIANGPAHRANG 22:11

Cun siangpahrang nih phungbia cauk chung bia cu a theih tikah a puan kha a thleh hna.

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

2 CHANRELNAK 30:22

Cun Bawipa rian ṭuannak i thiamnak ṭha a langhtertu Levi mi kha Hezekiah nih a forh chin hna. Cucaah cu puai rawl cu mi zapi nih khan ni sarih an ei i Bawipa an pupa hna Pathian sinah khan daihnak thawinak an pekchanh i lawmhnak kha an pek.

2 CHANRELNAK 34:19

Siangpahrang nih phungbia chung bia kha a theih tikah, a puan kha a thleh hna.

2 CHANRELNAK 34:21

“Va kal u law, keimah ca le Israel le Judah i a tang rihmi caah Bawipa kha, hi cauk an hmuhmi chung bia kong hi va hal tuah u; kannih kan pupa hna nih hi cauk chung i aa ṭialmi dihlak ningin tuah awkah Bawipa bia kha an zulh lo caah kannih kan cung i a thletmi Bawipa thinhunnak cu a ngan ko,” tiah a ti.

2 CHANRELNAK 35:3

Israel mi vialte kha a cawnpiak hna i Bawipa sinah a thiangmi Levi mi kha a thawh hna i, “Israel siangpahrang David fapa Solomon nih a sakmi inn chungah khan kuang thiang kha chia u, nan liang in nan i zawnh a hau ti lai lo. Atu cu Bawipa nan Pathian le a mi Israel mi an rian kha ṭuan tuah u.

EZRA 2:63

uktu bawi nih khan annih cu a thawh hna i, Urim le Thummim hal awkah tlangbawi a um hlan paoh cu rawl thiang bik kha nan ei lai lo, tiah a ti hna.

EZRA 7:11

Cun mah hihi Siangpahrang Artazaksis nih Israel mi ca i Bawipa nawlbia hna le phungbia hna a thiam ngaingaimi cazi, tlangbawi Ezra sinah a pekmi ca a khawpi cu a si:

NEHEMIAH 10:1

An cakhenhnak in a khenhtu hna cu hi hna hi an si: Hakaliah fapa Nehemiah, ram uktu bawi le Zedekiah,

NEHEMIAH 12:26

Jozadak fapa Jeshua i a fapa Joiakim chan le ram uktu bawi Nehemiah le tlangbawi le cazi a si kemhmi Ezra hna chan i thil umtuning cu mah hihi a si.

NEHEMIAH 7:65

ram uktu bawi nih khan, tlangbawi pakhat khat Urim le Thummim a zoh khomi an um hlan cu nannih nih a thiang bik rawl kha nan ei kho lai lo, tiah a ti hna.

NEHEMIAH 7:70

Innchungkhar lu a cheukhat hna nih rian ṭuannak caah cun an thawh, Ram uktu bawi nih zapi ca chawkhonnak ah cun sui darik thong khat, hmaihum sawm nga, tlangbawi puan za nga le sawm thum a thawh.

NEHEMIAH 8:2

Cun tlangbawi Ezra nih khan phungbia cu, nu he pa he a thei i a hngal kho dingmi aa pummi an dihlak hmaiah khan, thla sarih thla a ni khat ni ah cun a chuahpi.

PHUNGCHIMTU 3:4

Ṭah caan a um, nih caan a um; ngaihchiat caan a um, lam caan a um;

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

ROM 3:20

Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 26:14

mithi ka ngaih lioah cheu hra cheu khat kha zeihmanh ka ei lo i, ka thianlo lioah a zeihmanh kha ka ṭhial lo i, mithi sinah a zeihmanh kha ka pechan lo; Bawipa ka Pathian aw kha ka ngaih i nangmah nih nawl na ka pekmi vialte ningin ka tuah cang.

JEIM 4:9

Ngaihchia in um u, ṭap u law ai u; nan nihnak kha ṭahnak in thleng u, nan i lawmhnak kha ngaihchiatnak in thleng u.