NEHEMIAH 8:3 - Lai (Hakha) Common Language Bible 2006

³ Cun Ti Kutka hmai i a ummi tual lei hoih khan zingka tein chun tiang, a hngal kho dingmi pa le nu hna hmaiah cun phungbia chung cun a rel i phungbia cauk cu mi vialte nih cun ṭha tein an ngaih.

NEHEMIAH 8:3 ပူးပေါင်းရင်းမြစ်များ

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

NEHEMIAH 13:1

Khi ni ah khan mi zapi hmaiah cun Moses cauk chung khan an rel tikah Ammon mi hna le Moab mi hna cu ahohmanh, Pathian mi aa pummi hna chungah an luh awk a si lai lo, tiah aa ṭial kha an hmuh;

NEHEMIAH 8:1

Cun thla sarihnak thla a hung chuah i Israel mi hna cu an khua cio ah khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.

NEHEMIAH 8:18

Cun nifate in, aa thawk ni in a dongh ni tiang, Pathian phungbia cauk chung khan a rel lengmang. Puai cu ni sarih an tuah i a ni riat ni ah an phunglam ning khan pumhnak thiang a um.

NEHEMIAH 8:4

Cu bantuk biachimnak ca i an sermi thing donhhlei ah cun cazi Ezra cu a dir i a pawngah cun a orhlei kamah Mattithiah, Shema, Anaiah, Uriah, Hilkiah le Maaseiah; cun a kehlei kamah Pedaiah, Mishael, Malkhijah, Hashum, Hashbaddanah, Zekhariah le Meshullam an dir.

NEHEMIAH 8:5

Cun Ezra nih cun cauk cu mi vialte hmuh ah khan a kau, amah cu mi vialte nak sang deuh ah khan a dir; a kau tikah khan mi vialte cu an dir.

MARKA 12:37

David hrimhrim nih Messiah cu ‘Bawipa’ tiah a ti ahcun, zeitindah David hrinsor cu a si khawh lai?” tiah a ti hna. Mizapi nih cun Jesuh bia cu lunglawm ngaiin an ngaih.

LUKA 19:48

sihmanhsehlaw mi vialte nih khan a bia cu an ngaih i pakhat hrelh hmanh kha an duh lo caah annih nih cu tuahnak ding caah cun lam an hmu kho lo.

LUKA 8:18

“Cucaah nan ngaihning kha i ralring u; zeicahtiah a ngeimi kha chap chin an si lai i a ngei lomi kha ka ngeih tiah an i ruahmi thil tlawmte hmanh kha lakpiak an si lai,” tiah a ti.

LAMKALTU 13:15

Cuka mi hna nih Moses Nawlbia Cauk chungin le profet hna caṭialmi chungin an rel hnuah pumhnak inn uktu hna nih cun an i thawh i, “U le nau hna, mizapi caah forhnak bia chim awk nan ngeih ahcun chim tuah hna u,” tiah an ti hna,

LAMKALTU 13:27

Zeicahtiah Jerusalem i a ummi hna le an hruaitu hna nih khan amah cu Khamhtu a si kha an hngal lo i cuhleiah Sabbath fate an rel lengmangmi profet bia hna zong kha a sullam an hngal hna lo. Sihmanhsehlaw Jesuh an thahnak thawng khan profet bia kha an tlinter hna.

LAMKALTU 15:21

Zeitintiah Moses Nawlbia kha Sabbath ni fate pumhnak inn kip ah caan saupi rel lengmang a si ko cang i khua kip ah a bia kha chim a si ko cang,” tiah a ti.

LAMKALTU 16:14

Cu hna lak i kan bia a theimi pakhat cu Lidia a si, amah cu Thiatira khuami a si i maimaw puan a zuarmi a si. Amah cu Pathian a biami nu a si i Paul nih a chimmi bia ngaih awk caah khan Pathian nih a lungthin kha a hunpiak.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

LAMKALTU 20:11

Cun inncung ah khan a hung kai ṭhan i changreu kha a cheu i an ei. Annih cu saupi, khuadei tiang, a chimh hna hnuah aa thawh.

LAMKALTU 20:7

Zarh chung hmasa bik ni ah hawikomhnak rawl dum ṭi awkah kan i pum. Paul cu a thaizing a kal ding a si cang caah, mi kha bia a chimh lengmang hna i zanṭim tiang a chimh hna.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

DEUTERONOMI 31:9

Cun Moses nih hi phungbia cu a ṭial i Bawipa biakamnak kuang a putu Levi fapa tlangbawi hna sin le Israel mi upa vialte hna sinah a pek.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

JOSHUA 8:35

Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.

BIAPHUAN 2:29

“Hna nan ngeih ahcun, Thlarau nih Khrihfabu hna sinah a chimmi bia kha ngai tuah u,” tiah a ti.

BIAPHUAN 3:22

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.