NEHEMIAH 8:2 - Lai (Hakha) Common Language Bible 2006

² Cun tlangbawi Ezra nih khan phungbia cu, nu he pa he a thei i a hngal kho dingmi aa pummi an dihlak hmaiah khan, thla sarih thla a ni khat ni ah cun a chuahpi.

NEHEMIAH 8:2 ပူးပေါင်းရင်းမြစ်များ

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

NEHEMIAH 13:1

Khi ni ah khan mi zapi hmaiah cun Moses cauk chung khan an rel tikah Ammon mi hna le Moab mi hna cu ahohmanh, Pathian mi aa pummi hna chungah an luh awk a si lai lo, tiah aa ṭial kha an hmuh;

NEHEMIAH 8:18

Cun nifate in, aa thawk ni in a dongh ni tiang, Pathian phungbia cauk chung khan a rel lengmang. Puai cu ni sarih an tuah i a ni riat ni ah an phunglam ning khan pumhnak thiang a um.

NEHEMIAH 8:9

Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a ṭah zong ṭap hlah u,” an ti hna.

NEHEMIAH 9:1

Cun hi thla ni li ni ah Israel mi hna cu rawl ul le khum puan i aih le an lu i vawlei dip i phulh in an i pum.

ISAIAH 28:9

Keimah kong ah khan an zai i, “Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a ṭhat ko cu.

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

NAMBAR 29:1

“Thla sarihnak thla a ni khatnak ni ah a thiangmi pumhnak nan ngei lai; rian fak nan ṭuan lai lo. Nannih caah muko tumnak ni a si lai i,

LAMKALTU 15:21

Zeitintiah Moses Nawlbia kha Sabbath ni fate pumhnak inn kip ah caan saupi rel lengmang a si ko cang i khua kip ah a bia kha chim a si ko cang,” tiah a ti.

DEUTERONOMI 17:18

“Cun a pennak siangpahrang ṭhutdan ah a ṭhut tikah, Levi mi tlangbawi hna nih an zohkhenhmi hi phungbia hi, cauk pakhat ah aa tlen lai,

JOSHUA 8:35

Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.