NEHEMIAH 8:10 - Lai (Hakha) Common Language Bible 2006

¹⁰ Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

NEHEMIAH 8:10 ပူးပေါင်းရင်းမြစ်များ

1 SIANGPAHRANG 8:66

A ni riat ni ah cun mi cu a kalter hna; annih nih siangpahrang kha thluachuah an pek i Bawipa nih a sal David le a mi Israel mi cung i ṭhatnak a langhtermi ruangah lunglawm le thanuam in an inn cio ah an tlung.

1 CHANRELNAK 16:27

Upatnak le lianngannak cu a hmaiah an um, Ṭhawnnak le lawmhnak cu a hmun chungah an um.

NEHEMIAH 8:11

Cucaah Levi mi hna nih khan mi vialte cu an daihter hna i, “Nihin cu ni thiang a si caah dai tein um u, nan ngaihchia hlah u,” tiah an ti hna.

NEHEMIAH 8:12

Cun mi vialte nih khan an thanhmi hna bia cu a sullam an hngalh cang caah, ei le dinnak va tuah awkah le midang zong kha va hrawm hna awk le lunglawmhnak nganpi tuah awkah an kal dih.

ESTHER 9:19

Cucaah khuate i a ummi, kulhnak a ngei lomi khua i a ummi Judah mi hna nih cun Adar thla ni hleili ni cu lunglawmhnak le puai le dinh ni ah an ser i cu ni cu pakhat le pakhat kha laksawng a ṭhaṭha i kuatnak ah an hman.

ESTHER 9:22

zeicahtiah hi ni hna ah hin Judah mi nih an ral hna sinin himnak an hmuh i hi thla hi an caah ngaihchiatnak in lunglawmhnak ah, ṭahnak in dinhnak ni ah aa thlen thla a si; cun nannih nih hi ni hna cu puai tuahnak le lunglawmhnak ni le laksawng ṭhaṭha i kuatnak le sifakmi hna laksawng peknak ni ah nan hman lai tiin nawl a pek hna.

SALM 149:2

Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

SALM 89:17

Nangmah nih teinak ngan pipi na kan pek, na zaangfahnak thawngin teinak cu kan hmu,

PHUNGTHLÛKBIA 17:22

Lungthin lawmh hi si ṭha a si, sihmanhsehlaw lungthin ngaihchia nih ruh kha a roter.

PHUNGCHIMTU 11:2

Na tangka rianṭuannak cu hmun tampi ah chia hna, Zeitintiah vawlei cungah hin zei ṭhat lonak dah a tlung lai, na hngal lo.

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

PHUNGCHIMTU 3:13

Kan dihlak in ei u sih law ding u sih law kan ṭuan man kha i nuamhpi u sih. Cucu Pathian laksawng a si ko.

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

PHUNGCHIMTU 9:7

Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

ISAIAH 49:5

Ka chuah hlan in Bawipa nih a ka fial; a mi cu kirpi ṭhan hna awkah le aa ṭhekmi Israel mi kha pumh ṭhan hna awkah, a sal ah a ka ser. Bawipa nih upatnak a ka pek; amah cu ka thazang hrampi a si.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

ZEKHARIAH 14:21

Jerusalem le Judah ram chung i a ummi um vialte cu ralkapbu Bawipa caah an thiang dih lai i raithawitu vialte kha an ra lai i tlawmpal kha an lak hna lai i an chungah sa kha an chuan hna lai. Cucaah cu caan a phak tikah cun, ralkapbu Bawipa inn chungah khan chawlet-chawhrawl pakhat hmanh hmuh an si ti lai lo.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

2 KORIN 8:2

Harnak an innak nih khan fak piin a hneksak hna; asinain an i lawmhnak cu a ngan tuk caah an si a fak ngaingai ko nain thawhlawm ah an siang ngaingai.

FILIPI 3:4

A ngaingai ti ahcun cu bantuk thil hna aa bochan khomi ka si ve ko. Lenglei phunglam kaa bochan khawh a timi an um ahcun, cu bantuk ti khawhnak cu tam deuh chinchin ka ngei:

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

1 SAMUEL 25:8

Na tlangval kha hal hna law an in chimh ko lai. Cucaah puai ni i kan rat caah hin ka tlangval hna hi na hmaiah mithmai ṭha hmuhter ko hna. Na sal hna le na fapa David hi na ngeihmi paoh rak kan pe ko sawh, a ti,’ tiah nan va ti lai,” tiah a ti.