NEHEMIAH 8:1 - Lai (Hakha) Common Language Bible 2006

¹ Cun thla sarihnak thla a hung chuah i Israel mi hna cu an khua cio ah khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.

NEHEMIAH 8:1 ပူးပေါင်းရင်းမြစ်များ

2 SIANGPAHRANG 23:2

Cun siangpahrang cu Bawipa inn ah khan a hung kal i a sinah cun Judah ram mi vialte le Jerusalem khuami vialte le tlangbawi hna le profet hna le, mi vialte, a hme siseh a ngan siseh, an kal ve; cun Bawipa inn chung i hmuhmi biakamnak cauk chung bia vialte kha an theihhngan ah a rel dih.

2 CHANRELNAK 34:15

Cun Hilkiah nih cazin ṭialtu Safan sinah cun, “Phungbia cauk Bawipa inn chungah ka hmuh,” tiah a ti; cun Hilkiah nih cauk cu Safan kha a pek.

2 CHANRELNAK 34:30

Cun siangpahrang cu Judah ram mi vialte le Jerusalem khuami le tlangbawi hna le Levi mi hna le, mi vialte a ngan he a hme he, Bawipa inn ah cun an hung kal; cun Bawipa inn ah an hmuhmi biakamnak cauk chung bia vialte cu an theihhngan ah a relpiak hna.

EZRA 7:1

Cun hi hnuah hin Persia siangpahrang Artazaksis chan ah Ezra cu Babilon in a hung kal; Ezra cu Seraiah fapa a si, Seraiah cu Azariah fapa a si, Azariah cu Hilkiah fapa a si;

EZRA 7:10

Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.

EZRA 7:11

Cun mah hihi Siangpahrang Artazaksis nih Israel mi ca i Bawipa nawlbia hna le phungbia hna a thiam ngaingaimi cazi, tlangbawi Ezra sinah a pekmi ca a khawpi cu a si:

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

NEHEMIAH 12:26

Jozadak fapa Jeshua i a fapa Joiakim chan le ram uktu bawi Nehemiah le tlangbawi le cazi a si kemhmi Ezra hna chan i thil umtuning cu mah hihi a si.

NEHEMIAH 12:37

Cerh Ti Kutka kha an hei lonh i lamhbak pawng khan ding tein David khua ah khan an kal, khua kulhnak vampang hung kainak hlei pawng khan an kal i David inn kha an lonh i nichuahlei i a ummi Ti Kutka kha an phan.

NEHEMIAH 3:26

Ofel i a ummi biakinn rian ṭuantu hna nih khan nichuahlei i Ti Kutka le a hung fongmi innsang zawn tiang kha an remh.

NEHEMIAH 8:16

Cucaah mi cu an va kal i an va lak hna i an inncung ah siseh, an tual ah siseh, Pathian inn tual ah siseh, Ti Kutka tual ah siseh, Efraim Kutka tual ah siseh, deu kha an i sak cio.

NEHEMIAH 8:3

Cun Ti Kutka hmai i a ummi tual lei hoih khan zingka tein chun tiang, a hngal kho dingmi pa le nu hna hmaiah cun phungbia chung cun a rel i phungbia cauk cu mi vialte nih cun ṭha tein an ngaih.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

LEVITIKAS 9:5

Cun Moses nih nawl a pekmi cu tonnak thlam hmaiah an hun hruai hna i aa pummi nih an dihlak in an hun naih i Bawipa hmaiah an dir.

MALAKHI 4:4

Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 23:2

“Phungbia cawnpiaktu saya hna hi le Farasi mi hna hi, Moses Nawlbia hi a sullam cucu a si, tiah a ti tu an si.

MATTHAI 23:34

Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.

DEUTERONOMI 31:11

Bawipa nan Pathian nih a thim laimi hmun ah Israel mi vialte nih a hmai i chuah awkah an rat tikah, hi phungbia cu Israel mi vialte hmaiah an theih ah nan rel lai.

BIACEIHTU 20:1

Cun Israel mi vialte cu Dan in Beersheba tiang, Gilead zong tel chih in an chuak i, mibu cu Bawipa sinah Mizpah ah minung pakhat bantukin an i pum.

BIACEIHTU 20:8

Cun mi vialte cu minung pakhat bantukin an tho i, “Ahohmanh kan thlam ah kan kal lai lo i ahohmanh kan inn ah kan tlung lai lo.