NEHEMIAH 7:6 - Lai (Hakha) Common Language Bible 2006

⁶ Hi ram mi, Babilon siangpahrang Nebukhadnezzar nih sal taannak chungah a kalpimi hna lakin, saltannak chungin a chuakmi cu mah hna hi an si; annih cu Jerusalem khua le Judah ram ah khan a kirmi an si i anmah le an khua cio ah khan an kir.

NEHEMIAH 7:6 ပူးပေါင်းရင်းမြစ်များ

2 SIANGPAHRANG 25:11

Cun mi a tang rihmi khua chungah nganhtami hna le Babilon siangpahrang sin i a rak zammi hna kha le zapi a tang rihmi vialte hna kha ralvengtu haotu Nebuzaradan nih sal ah a hruai dih hna.

EZRA 5:8

Kannih nih Judah ram ah, a liannganmi Pathian inn ah kan va kal kha siangpahrang nih rak hngal tuah. Lung ngan pipi in an sak i a vampang ah thingah an chon lio a si; hi rian cu fel tein a kal i an rianṭuannak ah an hlawh a tling.

EZRA 6:2

Cun Media ram khuapi a simi Ekbatana khua ah khan cazual pakhat an hmuh i cu cazual chungah cun mah hihi aa ṭial: “Ken awk.

NEHEMIAH 1:3

Cun annih nih an ka thawh i, “Saltannak chungin a luatmi khika ram i a nung rihmi hna cu harnak nganpi chung le ningzahnak chungah an um ko; Jerusalem kulhnak vampang hna cu an cim dih i a kutka hna cu mei nih a hrawh dih hna,” an ti.

NEHEMIAH 7:7

Annih cu Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum, Baanah hna he khan a rami an si. Israel mi hna cu hi zat hi an si: