NEHEMIAH 7:5 - Lai (Hakha) Common Language Bible 2006

⁵ Cun Pathian nih tuavon hna le bawi hna le mi zapi hna kha an chuahkehnak ningin minthlak awk i pumhter awkah ka lung chungah ruahnak a ka pek. Cun a hmasa bik ah a rami hna chuahkehnak cauk kha ka hmuh i cu chungah cun hitin aa ṭial kha ka hmuh:

NEHEMIAH 7:5 ပူးပေါင်းရင်းမြစ်များ

EZRA 2:62

Hi hna nih hin pupa chanrelnak i a min khumh a simi hna lakah khan an minthlaknak cu an kawl i sihmanhsehlaw an hmu lo, cucaah tlangbawi sinak chung khan a thianglo ah ruah an si caah chuah an si;

EZRA 7:27

Ezra nih, “Bawipa, kan pupa hna Pathian cu thangṭhat si ko seh. Bawipa inn Jerusalem i a ummi kha dawhter awkah hi thil hi amah nih siangpahrang lung chungah khan a chiah i

NEHEMIAH 5:19

Maw ka Pathian, hi mi hna caah ka tuahmi thil vialte hi ka ṭhatnak ding caah ka hngalhpiak camcin ko.

NEHEMIAH 6:14

Maw ka Pathian, Tobiah le Sanballat hi an tuahmi thil ning te hin hngal camcin ko hna law profetnu Noadiah le a thinphang seh ti a ka duhmi profet dang vialte hna zong hi hngal camcin ko hna.

NEHEMIAH 7:4

Khua cu a ngan i a kau ko, sihmanhsehlaw a chung i a ummi hna cu an tlawm i inn cu sak an si rih lo.

NEHEMIAH 7:64

Hi hna nih hin chuahkehnak cazin chung i minthlakmi min lakah khan an min cu an kawl, sihmanhsehlaw an hmu kho lo, cucaah tlangbawi sinak chung khan a thianglo bantuk ah an chuah hna;

PHUNGTHLÛKBIA 2:6

Zeicahtiah Bawipa nih cun fimnak kha a pek hna i hngalhnak le hngalhthiamnak kha a cawnpiak hna.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

2 KORIN 8:16

Nanmah bawmhnak ah kanmah tlukin Titas lung a thawhtertu Pathian cu lawm ko u sih.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

JEIM 1:16

Ka dawtmi ka u le ka nau hna, i palh sual hlah u.