NEHEMIAH 7:3 - Lai (Hakha) Common Language Bible 2006

³ Cun annih cu ka thawh hna i, “Jerusalem kutka hna cu ni a lum hlantiang cu hun si hna hlah seh; cun ralvennak hmun i an dir lioah cun innka cu khar hna seh law hrenh hna seh. Jerusalem khuami hna chung khan ralvengtu cu nan thiah hna lai, anmah le an cawnghnak hmun cio ah khan le anmah le an inn zawn cio ah khan an um lai,” tiah ka ti.

NEHEMIAH 7:3 ပူးပေါင်းရင်းမြစ်များ

NEHEMIAH 13:19

Sabbath lai ni i Jerusalem kutka hna ah khua muih hram aa thawk tikah khin, innka cu khar dih awk an si lai tiah nawl ka pek hna i sabbath ni a dih hlantiang hun an si lai lo tiah nawl ka pek fawn hna. Cun sabbath ni ah cun thilrit zeihmanh luhpi an si nakhnga lo, ka sinum hna chungin tlawmpal kha kutka cu ka cawnghter hna.

NEHEMIAH 3:23

Anmah a hun chang ah cun Benjamin le Hasshub nih an inn zawn kha an remh. Anmah a hun chang ah cun Ananiah fapa Maaseiah i fapa Azariah nih amah inn pawng kha a remh.

NEHEMIAH 7:2

ka unau Hanani le ralvennak inn uktu Hananiah kha Jerusalem khua zohkhenhnak rian cu ka pek hna, zeicahtiah amah cu midang tampi nakin zumhawktlak deuh le Pathian a ṭih deuhmi a si.

NEHEMIAH 7:4

Khua cu a ngan i a kau ko, sihmanhsehlaw a chung i a ummi hna cu an tlawm i inn cu sak an si rih lo.

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

SALM 147:13

Amah nih na kutka kha a fehter hna, na mi kha thluachuahnak a pek hna.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.