NEHEMIAH 6:8 - Lai (Hakha) Common Language Bible 2006

⁸ Khi tikah kei nih a sinah mi ka hei thlah ve hna i, “Na chim bantuk hin zeihmanh tuahmi a um lo, nangmah nih na ruahnak in na phuahchommi a si ko,” tiah ka ti.

NEHEMIAH 6:8 ပူးပေါင်းရင်းမြစ်များ

NEHEMIAH 6:7

Cun nangmah kong kha Jerusalem ah, ‘Judah ram chungah siangpahrang a um,’ tiin a chimtu ding profet kha na chiah fawn hna. Atu cu hi bia ningte hin siangpahrang cu theihter a si lai. Cucaah cun ra law khuaruat ṭi tuah u sih,” tiah a ti.

JOB 13:4

Nannih nih biatak cu lih in a lenglei kha nan nalh tawn, Nannih cu nan dihlak in lih ṭawn hmangmi nan si.

SALM 36:3

A kaa chuak bia cu bia ṭha lo le lih lawng an si i mifim si i thil ṭha tuah kha a ngol cang.

SALM 38:12

Thah a ka duhmi nih rap an ka chiahhnawh i ka cungah fahnak tlunter a duhmi nih khan, kan in hloh cang lai, tiah an ka tlerh; keimah hrawhnak ding kha chun nitlak in an tim.

SALM 52:2

Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

DANIEL 11:27

Cu siangpahrang pahnih hna cu pakhat cung i ṭhat lonak tuah kha an i tim peng lai i cabuai pakhat ah an ṭhu ko lai nain pakhat le pakhat cu lih in bia an i hleng lai i caan rem a phak rih lo caah aho an ca hmanh ah ṭhathnemnak zeihmanh a um lai lo.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

LAMKALTU 25:10

Paul nih aa thawh i, “Siangpahrang biaceihnak zung hrimhrim ah ka chuak lai, khika ah bia cu ka ceih hna seh. Nangmah nih fiang tein na hngalh bantukin Judah mi cungah zeihmanh ṭhat lonak ka tuah lo.

LAMKALTU 25:7

Paul cu a hung phanh tikah Jerusalem in a rami Judah mi hna kha a velchum cun an dir i hi pa nih hin sual fak tampi a tuah tiin sualphawt hram kha an thawk, sihmanhsehlaw an puhmi kha ahmaan tiah an ti khawhmi a um lo.