NEHEMIAH 6:6 - Lai (Hakha) Common Language Bible 2006

⁶ A chungah cun hi bangin aa ṭial: “Nangmah le Judah mi hna cu ral thawh nan i timh caah nannih nih kulhnak vampang cu nan remh hna, tiah miphun hna sinah a thang i Geshem zong nih a chim ve. Cun an chimning ah cun nangmah cu an siangpahrang si kha na duh.

NEHEMIAH 6:6 ပူးပေါင်းရင်းမြစ်များ

EZRA 4:12

Nangmah sinin kan sinah a rami Judah mi hna kha Jerusalem ah an kal tiah siangpahrang nih rak hngal tuah. Ral thawh hmangmi le khua ṭhalo a simi kha an remh ṭhan i a kulhnak vampang hna cu an lim pah cang i a hram cu an remh lio.

EZRA 4:15

na pupa hna cazin khumhnak cauk chung kha rak kawl u law, cazin khumhnak cauk chungah cun hi khua hi hlanlio piin ralthawh hmangmi khua, siangpahrang le ram ca i intuarnak petu, a chung i ral thawhnak tuah tawnnak a si kha na hmuh lai. Cucaah cun pei hi khua cu hrawh a rak si cu.

NEHEMIAH 2:19

Sihmanhsehlaw Horon mi Sanballat le Ammon mi Tobiah, a sinum le, Arab mi Geshum nih mah cucu an theih tikah an kan nihsawh i an kan serhsat i, “Mah hi nan tuahmi hi zeidah a si? Siangpahrang maw nan doh?” tiah an kan ti.

NEHEMIAH 6:13

Ka thin a phan i hi bantukin ka tuah i ka sual i annih nih an ka thangchiat i an ka nihsawh nakhnga ding caah amah cu annih nih a man an rak phalh.

NEHEMIAH 6:5

Cu bantuk ṭhiamṭhiam cun a voi nganak ah Sanballat nih a sinum cu kau ciami ca pakhat he ka sinah a rak thlah.

NEHEMIAH 6:7

Cun nangmah kong kha Jerusalem ah, ‘Judah ram chungah siangpahrang a um,’ tiin a chimtu ding profet kha na chiah fawn hna. Atu cu hi bia ningte hin siangpahrang cu theihter a si lai. Cucaah cun ra law khuaruat ṭi tuah u sih,” tiah a ti.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

MATTHAI 5:11

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

JOHAN 19:13

Cu bia cu Pilat nih a theih tikah Jesuh cu lengah a hei chuahpi i “Lung Ṭuang” timi hmun i biaceihnak ṭhutdan cungah khan a ṭhu (Hebru holh cun Gabbatha an ti)’

ROM 3:8

“Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

2 KORIN 6:8

An kan upat pah, an kan thangchiat pah, an kan nihsawh pah an kan thangṭhat pah. Lihchim bantukin an kan zoh, sihmanhsehlaw kan chimmi cu biatak a si ṭung,

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.