NEHEMIAH 6:14 - Lai (Hakha) Common Language Bible 2006

¹⁴ Maw ka Pathian, Tobiah le Sanballat hi an tuahmi thil ning te hin hngal camcin ko hna law profetnu Noadiah le a thinphang seh ti a ka duhmi profet dang vialte hna zong hi hngal camcin ko hna.

NEHEMIAH 6:14 ပူးပေါင်းရင်းမြစ်များ

NEHEMIAH 13:29

Maw ka Pathian, annih nih tlangbawi rian le tlangbawi biakamnak le Levi mi hna biakamnak cu an buar caah annih cu hngal camcin ko hna.

NEHEMIAH 5:19

Maw ka Pathian, hi mi hna caah ka tuahmi thil vialte hi ka ṭhatnak ding caah ka hngalhpiak camcin ko.

SALM 137:7

Jerusalem an tlaih ni ah, Edom mi nih an tuahmi kha philh hlah, Maw Bawipa, “Hrawk dih cikcek u law a hram tiangin kalh dih u,” an ti kha philh hin hlah.

SALM 22:1

Ka Pathian, ka Pathian, zeicahdah na ka hlawt? Ka bawm ko sawh, tiah fak piin ka au, sihmanhsehlaw bawmhnak cu a ra hlei lo.

SALM 63:1

Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

JEREMIAH 14:15

Cucaah, vainam le mangṭam cu hi ram ah hin a tlung lai lo,” a titu profet hna, ka thlah hna naloin ka min in bia an chimmi kong ah cun, Bawipa nih hi bangin a ti: Cu profet hna cu vainam le mangṭam in an thi lai.

JEREMIAH 14:18

Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

JEREMIAH 28:1

Cu kum ṭhiamṭhiam, Judah siangpahrang Zedekiah bawi hram aa thawk kum, a thla nganak thla ah cun, Gideon khua profet Hananiah, Azur fapa nih cun, Bawipa inn chungah, tlangbawi hna hmaiah le mi vialte hna hmaiah cun a ka thawh i,

JEREMIAH 28:10

Cun profet Hananiah nih profet Jeremiah hngawng i hngawngkual cu a lak i a khiah i

JEREMIAH 28:15

Cun Jeremiah nih Hananiah cu a thawh i, “Hananiah, ngaihmanh! Nang cu Bawipa nih an thlahmi na si lo i lihbia kha hi miphun hi na bochanter hna.

MATTHAI 24:11

Cun nal profet tampi an chuak lai i mi tampi an hlen hna lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

2TIMOTE 3:8

Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak ṭha tein rian a ṭuan ti lomi, zumhnak lei i zeihmanh a si ti lomi an si.

1JOHAN 5:16

Mi pakhatkhat nih, a unau pakhatkhat kha, thihnak tiang a phanmi a si lomi sualnak a tuah kha a hmuh ahcun, nunnak a petu ding Pathian sinah khan thla a campiak lai — cucu thihnak tiang a phanmi sualnak a tuah lomi hna caah khan a si. Sihmanhsehlaw thihnak tiang a phanmi sualnak a um i cu kong ahcun Pathian sinah thla nan cam lai ka ti lo.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.